أخويا حبيبى / صلاح الدين
ايه ياعم مزعل نفسك ليه ما براحة شوية خد الامور بسهوله واضح من كلامك انك متنرفز كتير واضح انك عايز تقوم تضرب الناس انت عندك حق الصراحة فى حاجات كتير اوى لكن ياخى يمكن الناس غلطت ولا حاجة انها حطت موضوع مش فى مكانه خلاص ياخويا القيامة قامت حبيبى لأ براحة باردوه تبعت رسالة لصاحب الموضوع اللى كتب الموضوع فى منتدى الطالب الصحفى تفهمه انه حط الموضوع غلط يقوم يراجع نفسه تانى وبلاش تزهق نفسك كده .... دى نقطة
النقطة التانية وليك حق فيها ان فى أعضاء بيحطوا مواضيع كتير وفى اى مكان علشان ينالوا رضا الناس ويعملوا ليهم قيمة فى المنتدى ياترى الناس اللى بتحط المواضيع دى قريتها قبل ماتحطها يا ترى الناس عارفه الناس هتستفاد ايه لما الموضوع ده يتحط ياترى الموضوع ده هو حصه فى المكان اللى صح ولا لأ يا ترى ...... حاجات كتير لو عدناها مش هنخلص
وياريت الناس تفكر قبل ما تكتب .
وتانى مرة ومعلش يا صلاح وخده منى عتاب مش تتكلم بزهق بعد كده
اما بأه بالنسبة للتقارير فأنا باقول لحضرتك وعلشان خاطرى ولو كان ليا خاطر عندك انك تكتب التقارير كلها مش الالمانى بس لأ والكيمياء او الاحياء أنا باستجديك يا صلاح فا ممكن ولا ايه ... يارب ما تخيبش ظنى
انا والله بحبك فى الله .. وشكرا لفتحك هذا الموضوع
__________________
|