اقتباس:
المشاركة الأصلية كتبت بواسطة abdooo_450
مش كل المواضيع ينفع يترد عليها بنقد
فى مواضيع بتحتاج المجاملة
والعكس صحيح
يعنى ينفع اقول
" مشكووووووووووووووووووورر "
على الموضوع ده ؟ |
طبعا مش كل الموضيع بتحتاج مجامله ومش كلها نقد
اكيد فيه وفيه
بس كمان المجامله مش معناها مشكور وخلصت الحكاية على كده
احنا بنتكلم هنا عن الحوار فى الرد على المواضيع
يعنى مثلا لو عايز تعبر عن رايك فى موضوع عاجبك يبقى مش ينفع تقول مشكور وتسكت
اللى كاتب الموضوع هيعمل بيها ايه؟
مهو كده كده برده مش عرف رايك يبقى مش عرف اذا كان موضوعه عجب حد ولا لاء اه فيه ردود
لكن الموضوع هيبقى فاقد حيويته وهينتهى بمجرد ماتتكتب كلمة مشكور
ومش هتحس ان فيه اراء بتتقال ولا حاجه امال اختلاف الاراء هيبقى على ايه؟
واحنا هنتعلم من بعض ازاى؟ طبعا لازم يكون فيه مشاركه واراء متبادله على اى موضوع
لو موضوع مش محتاج غير كلمة شكر اوكى هتقول كلمة شكر
بس برده مش مشكور وخلاص "سد خانه يعنى"فى كلام تانى بيتقال وشكر برده لان ده بيدى دافع للى كاتب الموضوع انه يكتب مواضيع تانيه احسن واحسن
وشكرا لردك ويارب تكون فهمت وجهة نظرى
وتكون قدرت تقرر اذا كان الموضوع ده ينفع تكتبله مشكور وخلاص ولا محتاج مناقشه
استودعكم الله