اقتباس:
المشاركة الأصلية كتبت بواسطة هانى الشرقاوى
طب ممكن أفهم ايه هى معايير الالتزام من وجة نظر حضراتكم
|
اقتباس:
المشاركة الأصلية كتبت بواسطة هانى الشرقاوى
مش عارف ليه حاسس ان كل اللى يهمكم هنا النواحى الشكلية بس طريقة اللبس وغيره
أرجو ان مرورى ميكنش غلس على قلوب حضراتكم
|
عارف ايه هي الحاجة الغلسة
إنك كل شوية ترجو إنك متكونش تقيل علينا او غلس او مش عارف ايه
متحسسش نفسك وتحسسنا إنك مختلف عننا او من مجتمع تاني
انت فعلاً اتربيت بعيد وشفت ناس غير الناس
بس مازلت واحد مننا
ليك افكارك الخاصة وكلنا لينا افكارنا الخاصة
معايير الالتزام بتختلف من شخص لآخر
بس كلها بتوصل لهدف واحد مستمد من ديننا الذي لا نفرقه عن حياتنا
في أحد الردود ليك كنت بتتكلم عن الصداقة بين الولد والبنت بره
وإنك علاقة صداقة حقيقية مش زي ما احنا فاهمين هنا
كلامك صح
وللاسف العرب بيقلدوا الغرب في كل حاجة
حتى موضوع البوي فريند والجيرل فريند
وطبعاً العلاقة هناك بتكون صداقة حقيقية حتى لو كانت بالحرام بس ده عندهم حلال او مش غلط
لكن عندنا عشان عارفين إنه العلاقة غلط من البداية فالصحوبية اصلاً خاطئة
وبالتالي اللى بيمشي مع واحدة او اللى بتمشي مع واحد بتكون مجرد شهوة عابرة
لا تتمتع من صفات الصداقة بشيء
طبعاً شكل البنت هو اللى بيدي مقدمات كل شيء
يعني الولد اللى بيحب يكلم حد اول حاجة بيبص عاللبس وبيكون بين احتمالين
ياما محترمة وده ىخره معاها حيطلب منها حاجة
ياما (غير محترمة) وده اللى اللى بتكون مناسبة للعملية بالنسبة للبعض
يبقى اللبس هنا هو البداية
واللى مظهره من جوه كويس حيبقى بره كويس برده
وبعدين المرأة مظهر
يعني نص التزامها بيكون في شكلها
في اللبس ومواصفاته وفي الحجاب وشكله وفي المشي
حتى الكعب اللى بيتلبس
قيل إنه لو كان صوته ملفت فهو لا يجوز
يعني اللى تمشي تخبط في الارض كل الناس بصالها يبقى كده مينفعش
معرفش لو كنت دخلت في متاهة او حطيت رد في غير موضعه بس الكلام جه في بالي وحبيت احطه