الموضوع: امتى الشعب يقوم من النوم ......... بــنــدق
عرض مشاركة واحدة
  #1  
قديم 12-03-2009, 09:06 PM
الصورة الرمزية بندق__2007
بندق__2007 بندق__2007 غير متواجد حالياً
عضو متألق
  
تاريخ التسجيل: Nov 2006
العمر: 37
المشاركات: 2,278
معدل تقييم المستوى: 0
بندق__2007 is an unknown quantity at this point
افتراضي امتى الشعب يقوم من النوم ......... بــنــدق
قالوا مبارك راح يبقى ريس
قولنا طيب شئ كويس
يبات و يصحى بيراعينا
و يعمل كل الحلو لينا
كلام سمعه جدود اللى خلفوا أهالينا


مرت سنين و الحالة طينة
و الناس فى بيوتها حزينة
كل يوم بنشوف بلاوى
و كل نسمع حكاوى
و الشعب لسه فى نومه عايش على المساطب و القهاوى


صبحت بلدنا دى خرابة
فيها امة من الغلابة
و فيها شوية وشوش
من زمان ما اتغيروش
نفسنا نصحى نلاقى مرة وش ما شفناهوش


و لسه الشعب نايم
و الفقر ده حال و دايم
شعب روحه فى ايد ديابة
شعب عايش جوه غابة
شعب ساكت و راضى بالظلم من كتر الطيابة


امتى الشعب يسيب سريره
يقوم و يعارض كبيره
يا شعب نايم فى العسل
معندوش ريحة الأمل
شعب شايل على راسه ألف علة من العلل
آخر تعديل بواسطة بندق__2007 ، 12-03-2009 الساعة 09:09 PM
رد مع اقتباس