اقتباس:
المشاركة الأصلية كتبت بواسطة بندق__2007
قولنا طيب شئ كويس
يبات و يصحى بيراعينا
و يعمل كل الحلو لينا
كلام سمعه جدود اللى خلفوا أهالينا
مرت سنين و الحالة طينة
و الناس فى بيوتها حزينة
كل يوم بنشوف بلاوى
و كل نسمع حكاوى
و الشعب لسه فى نومه عايش على المساطب و القهاوى
صبحت بلدنا دى خرابة
فيها امة من الغلابة
و فيها شوية وشوش
من زمان ما اتغيروش
نفسنا نصحى نلاقى مرة وش ما شفناهوش
و لسه الشعب نايم
و الفقر ده حال و دايم
شعب روحه فى ايد ديابة
شعب عايش جوه غابة
شعب ساكت و راضى بالظلم من كتر الطيابة
امتى الشعب يسيب سريره
يقوم و يعارض كبيره
يا شعب نايم فى العسل
معندوش ريحة الأمل
شعب شايل على راسه ألف علة من العلل
|
طبعاً ماشاء الله كلام جامد أوى كالعادة
بجد حلو كتير وعندك حق طبعا
وطبعاً أنا مش أعطيتك حقك أوى فى الرد
لأنك ماشاء الله تستاهل أكتر من كده
