[الاستاذ/توفيق عزت عبدالعزيز]

المشاركة الأصلية كتبت بواسطة abonoha

حقيقي الموضوع من أوله لآخره : سمك / لبن / تمر هندي

يعني الوزارة قالت كلام .. ورجعت لحسته بكلام تاني

ورجعت لحست التاني بكلام تالت ..... وهكذا

وللأسف انا عندي 3 من الزملاء لم يدخلوا الامتحان بسبب موضوع الدرجات

وللأسف حاطيين الموضوع ف رقبتي أنا ... لأنني كنت متابع على موقع الوزارة وعلى البوابة

وبناء عليه نصحتهم باللي شفته وقريته انه من الافضل لهم عدم دخول الامتحان لغاية ما تتعدل الدرجات

وعشان كده انا دلوقتي بانصح كل الزملاء اللي مادخلوش الامتحان ... انهم يدخلوا الامتحان اللي جاي ف شهر ابريل

ومش هايخسروا حاجة ... يعني شغل عافيه

طالما ان الوزارة تتعامل معانا بهذا الاسلوب

مع تمنياتي بالتوفيق للجميع

الاخ الاستاذ/ ابو نهى
انا عملت عكسك تماما
كنت ايضا مثلك .... الناس حاطة موضوع الكادر فى رقبتى
فى يوم قبل الامتحان باسبوعين جاءنى مجموعة ابلوات 8 و جميعهم فوق الخمسين سنة50
قالوا : احنا منتظرين الدرجات الجديدة و كتبنا اعتذارات ورقية ... و مندوب الاحصاء بالادارة قال لنا : لازم تعملوا اعتذارات الكترونية على النت
و احنا جايين لك تعملها لن على النت
قلت لهم ( و ماتزعلشى منى انا و الله غير كدة خالص ) : امشى ياولية انتى و هية من هنا ... روحى شوفى وراكى محشى تعمليه لجوزك و عيالك .... احنا فى اجازة الصيف الدرجات الجديدة حا تنزل و الوزارة حا تعدلهم غصبن عنها
فما كان منهم الا ان جريوا متفرقين عن بعض و زعلا نين منى جدا
تعرف ...... بعد النتيجة و نجحوا و على الدرجات الجديدة ........ جاءونى جميعا الى مدرستى ( المجاورة لمدرستهم ) و معهم كرتونة حاجة ساقعة كنز ( 24 واحدة ) و يشكرونى بكل الالفاظ الجميلة !!!!!!!!!!!!
ــــــــــــــــــــــــــــــــــــــــــــــــــ ـــــــــــــــــــــــــــــــــــــــ
ناس تانيين معهم جوابات بها الثلاثة ارقام و صفحتهم الالكترونية لا تفتح .. ارسلتهم و معهم طلب موحد مطبوع صممته على الكمبيوتر : -
السيد الاستاذ / مدير عام الادارة
نرجو من قسم الاحصاء فتح صفحتى الالكترونية حتى استطيع التقدم بطلب و عليه صورة 4 فى 6 و ذلك حتى استطيع استخراج رقم جلوس
!!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!
الاخ الجهبذ رئيس قسم الاحصاء بالادارة افتى بان طلبهم هذا كلام فارغ و يجب على المدير العام ان يكون سلبيا و لا يستلمها منهم !!!!!!!!!!!!!!!!!!!!!!!!!!!!!!؟؟؟؟؟؟؟؟؟؟؟؟؟؟؟؟؟؟
و قلت لهم ادخلوا بالعافية و بالدراع الى الامتحان و خدوا ورقة اجابة و حلوا .... او اذهبوا من الآن الى النيابة الادارية لحفظ حقوقكم !
المهم .... دخلوا الامتحان و قالوا لرؤساء اللجان : دخلونا دلوقتى لنمتحن مع زملائنا و لا تفوتوا علينا الفرصة فنشتكيكم و تتحملوا المسئولية
و دخلوا مع لجنة الطوارىء ......... و نجحوا
الذين خافوا و سمعوا كلام السيد الاستاذ دبلوم التجارة فى الاحصاء للآن ينعون حظهم
هل يدخلوا فى ابريل بدون ارقام جلوس تبع لجنة الطوارىء ؟؟؟؟؟؟؟؟؟؟؟
ارجوك يا استاذى رد ؟؟؟؟؟؟؟؟؟؟؟