جاى دلوقتى بتعتذر
جاى دلوقتى بتنكسر
جاى بدموع عنيك وبخطا الندم وبتعتذر
جاى دلوقتى وبتقولى آسف
آسف بعد ايه
آسف بعد ما مشيت
آسف بعد ما نسيت وقسيت
آسف بعد ما جنيت على قلب كنت دنيته
آسف على ايه ولا ايه ولا ايه
آسف على اللى راح
ولا آسف ع الحب اللى بات وياك جراح
ولا على قلب من عز الحلم صبح مفزوع
بتعتذر لقلب نسى الفرح والابتسامة
بتعتذر لقلب عرف معاك معنى الندامة
خد قلبك وروح مبقتش بهوى الجروح
ومبقاش لك مكان فى قلبى روح
سيبنى انسى الدموع
سيبنى أنساك وأنسى أيام العذاب
ومن النهاردة أنا خلاص مليش فى الحب مكان
ولا بين الاحباب أتعد