[Amethyst]

المشاركة الأصلية كتبت بواسطة MAHMOUD_TAHA

سلام عليكم

.. وعليكم السلام و رحمة الله و بركاته ..
ازى حضراتكم يارب تكونو بخير

.. مش أوي ..

وكالعادة وزى معظم المصريين مش عارف ابدأ الموضوع ازاى

.. المهم تبدأ ..

ندخل فى الموضوع علطول
فضلت الف وادور وانكش على صورة تصف الموضوع ده فاتكعبلت فى الصورة دى فى المنتدى

.. شفتها قبل كده ..

وفعلا هيا دى الحقيقة
موضوعى هيبقا عن حاجتين تلاتة كدا
اولا
التعليم فى بلدنا المحروسة
طبعا الكل شايف مناهج وكلام مكلكع (استهجيتها في نص ساعة .. مش عارفة ليه ..) فى الكتب الدراسية تكاد تكون المناهج دى اختفت من قرون فى العالم معدش غير البلد بتاعتنا دى ( ليه بقا لاننا مش زى اى حد احنا مش زى غيرنا )

.. ودي بداية طريق التميز ..
.. عشان تعرفو بس قيمتنا ..
.. ليس لنا مثيل في العالم ..

ماشاء الله يدخل المدرس يقعد يتكلم على مدار الحصة او المحاضرة
ومعظم المدرسين ( معظم هاه )
معظمهم يعملو نفسهم بيشرحو والطلبة تعمل نفسها بتفهم وما شاء الله شغل عصير لمون فى بعضه وكأنك يابو زيدما تعبت نفسك فى المدرسة وجيت
ودا ذنب مين
مش هنقول اساتذتنا الافاضل ولا هنقول الطلاب المبجلين هنقول العيب فى النظام والبلدى يوكل
يعنى عايزين مناهج تدري مش مناهج تتصم وتدخل الامتحانات نرصها وفى الاخر استفدنا ايه ( استفدنا صلاة النبى )

.. أنا الأول كنت بدرس برة مصر ..
.. فا لما جيت مصر ..
.. مرة كده في يوم من الأيام .. نزلت قولت للمديرة ان المستر بتاع الانجليش مش بيشرح ..
.. و يااااااااااا ريتني ..
.. اتبهدلت ..
.. و المدرس ده كان بيبهدلني في أعمال السنة عشان روحت قولت عليه ..

تانى حاجة
الدروس الخصوصية
طبعا ماشاء الله كلنا طلبة ( طلبة علم مش طلبة قرب محدش يفهمنى صح )
شايفين الدروس الخصوصية اللى بتجرى فى العروق المصرية مجرى الدم فى الوريد

.. حلوة مجرى الدم دي ..

معظم المدرسين ( معظم هاه ) بيبيعو ضميرهم
تلاقى المدرس من دول ماشاء الله يدخل الحصة يرغى ربع ساعة مع الطلبة فى الفاضى وربع ساعة على ما يكتب عنوان الدرس وربع ساعة يقول الطلبة بطلو كلام يا ولاد
وعشر دقايق يفضل ينصح فيهم وخمس دقايق يقول فيهم احنا هنشرح النهاردة يا ولاد ( وفجأة الجرس يضرب ويخرج المدرس ماشاء الله فارد جناحاته وفرحان ان الحصة خلصت

.. ايه كل ده الحصة 45 دقيقة بس ..
.. ربع ساعة يأخذ الغياب .. و 10 دقائق يهزر مع شلة الدرس بتاعته .. و 10 دقائق يكتب الدرس اللي بيتنقل في الدفاتر ..
.. و الباقي يللا يا جماعة نلحق نشرح قبل ما الحصة تخلص ..
.. و أحيانا الشرط اللي فات ده بيتبدل في إنه يسكت التلاميذ يا عيني كل المدرسين بيبقى عندهم صداع عندنا ..

والطلبة طبعا عايزة حد يشرحلها تروح جرى على اقرب مدرس ( اللى مبيشرحش فى المدرسة ) ودرس خصوصى وسبحان الله الساعة بتاعة الدرس الخصوصى يفضل يشرحها كلها وكأنه بنى أدم تانى غير اللى كان فى المدرسة

(( .. طبعاً لأنه بيأخذ أكتر .. ))

وزى ما الكل عارف اسعار الدروس الخصوصية عاملة ازاى اسعار فى السحاب ماشاء الله ( اللهم لا حسد )

.. ما عشان كده عملوا الكادر ..
.. بس هما بيقولوا .. "هل من مزيد"..

والطلبة ياعينى مشحتين اهاليهم وراهم
خاصة فى مرحلة الثانوية ولى الامر بيدفع دم قلبه وفى الاخر تيجى امتحانات الثانوية زى السنة اللى فاتت والطلبة تنتحر
والمدرس نفسه بيشكى من غلو اسعا ر السلع
طب بتشتكى ليه منتا كمان اسعارك نار ومش حامل هم حد
ودا ليه ( لاننا مش زى اى حد احنا مش زى غيرنا )


تالت حاجة
نهاية المطاف
لقيت الصورة دى بردو واصفة كلامى

بعد كل التعب
ابتدائى واعدادى وثانوى وجامعة يبقا حالنا كدا !!!!!!!!!!!!!!!!
مفيش شغل وكله بيقعد يتفرج على شهادته اللى على الحيط ولما يزهق يروح يقعد على القهوة على بال ماحد يجيبله شغلانة حفر فى مشروع مجارى
والحقيقة مش عارف ايه الحل فى دا
نتعلم مش نافع نطلع من التعليم مش نافع
يبقا نعمل ايه؟؟؟؟؟؟؟؟
انا عرفت الحل لو انتو كمان عرفتو اتصلو بينا وانتو تكسبو شهادة تقدير تعلقوها جمب شهادة نهاية التعليم اللى على الحيط
وبعد دا كله نقول العيب فى مين
ودا ليه ( لاننا مش زى غيرنا احنا مش زى اى حد )
........................
عارف انى رغيت كتير ( طبعنا واللا احنا يعنى هنشتريه )

.. ما دا الطبيعي ..

استحملونى معلش
ودايما نحب نختم الموضوع
بــ
دمتم فى رعاية الله
:::::::::::::::::::
لا اله الا انت سبحانك انى كنت من الظالمين

.. حلو أوي الموضوع ..
.. أنا رغيت كتير ..


.. بس مش أكتر من الموضوع ..
.. يا رب يكون كلامي ظريف و لطيف و دمه خفيف ..
.. و ميكونش رخم ..

.. و شكلي مش هطلع من هنا سليمة .. ((أصل في هنا مدرسين كتير)) ..
.. و في هنا مدرس أعرفه .. بس مش بيديني الحمد لله ..
.. مرة كان حاطط خمسين رقم تليفون في توقيعه ..
.. و ستين ايميل ..
.. تقريباً ده اعلان دروس ..
.. أمال هيكون ايه يعني ..
.. أكيد ..
.. تم حذف هذا السطر (( رجعت في كلامي )) ..
.. و طبعاً بلغت عنه .. و حذفوا التوقيع ..

.. أه سوري .. أنا باين حكيت كتيير .. أصل نفسي مفتوحة ..
.. تتمسوا بالخير .. أصل احنا الصبح دلوقتي ..

.. دمتم في رعاية الله و أمنه ..
.. و السلام عليكم و رحمة الله و بركاته ..

تحياتي،،
Dr.Marmora