[احمد رضا]

السلام عليكم ورحمة الله وبركاته
جزاكِ الله كل خير
ولكن مش عارف ليه الخوف بقي ابجدية من ابجديات العرب
ليه دايما بنسأل ازاي اخلي ولادي يخافوا من ربنا
ومبنسألش ازاي اخلي ولادي يحبوا ربنا
لما الإنسان بيحب حد بيطيعه اكتر وبطيب خاطر
انما لما بيخاف من حد بيطعه اه لكن وهوا متضرر
انا لما بقعد مع اخت صاحبي الصغيرة عندها حوالي اربع سنين وشوية
بقولها تخيلي ياشهد لو انتي من غير عيون شكلك هيبقي ايه ؟
او من غير مناخير
او من غير صوابع
او من غير رجل
كان شكلك هيبقي ايه
تقولي كان شكلي هيبقي وحش
اقولها شوفتي ربنا جميل ازاي عشان كدا خلقنا علي احسن صورة
شوفتي ربنا بيحبنا ازاي ياشهد
فالبنت بدون تفكير تبدأ تقولي ربنا ده جميل وانا بحبه زي ما هوا بيحبني
ياجماعة الخوف وحش
لكن الحب اجمل بكتير
ياريت نصحح الفكرة عندنا
شكرا للموضوع الجميل
وان شاء الله هبقي اعمل موضوع في العام لوجهه نظري بشكل أوضح