[SENDRILLA]

المشاركة الأصلية كتبت بواسطة travel

بسم الله الرحمن الرحيم

ف يوم من الايام كان يوم حد والله اعلم (مش فاكرة) المهم
اتفقت مع زوزو (سندريللا) انى اقابلها ف جامعة القاهرة وبرضوا اية من الله
ركبت المترو بعد المحاضرة اللذيذة بتاعة الكيميا فيزيا وطبعا انا ف المواصلات برفكت
انتي هتقوليلي مش محتاجه تأكدي علي ده
ف بنت من حظى قالتلى انها نازلة جامعة القاهرة ف نزلت معاها . . وبدلت مترو وانا وانا خارجة من المترو ف محطة فيصل . . التذكرة مش راضية تعدى

ف العامل واقف بقوله مش راضية تعدى التذكرة . . اخدها ولاقيته بيقولى تعالى (هو اشتراك) روحت معاه
ف بنات كانوا مستنينى برة علشان يودونى طب بيطرى علشان مش عارفة المكان
المهم
لاقيته بيكتب ورقة مخالفة وبيقطلع الورقة بتاعة الاشتراك وبيورينى القوانين عند
(ما معناه ان اللى بيعدى بالاشتراك ف خط غير الخط المشترك فيه بيدفع مخالفة)
وقام قايلى هتدفعى ولا مش هتدفعى
!!
ضايقنى حتة انه يخلينى اقرى وميتكلمش كانه بدون لسان . . ف بصتله باستغراب وقلتله
ع فكرة انا زى ما بعرف اقرى بعرف اسمع برضوا
قام قايلى هتدفعى ولا مش هتدفعى
قلتله دى اول مرة انزل فيها وكده . . كان بيزعق (طالما بيزعق وبيكلمنى برعشة يبقى هو شخصيته مهتزة شوية) لعبت انا ف الحتة دى قلتله لو ع الفلوس مش مشكلة بس الاسلوب مش عاجبنى
هو فين رئيس الاشتراكات هنا
قام قايلى مليش فيه قلتله اومال ؟
سكت ووشه احمر . . قام قايلى هتدفعى ولا مش هتدفعى . . اقطع الصورة وماسك صورتى
اممممممممم . .مش بخاف ع فكرة لو عاوز الصورة اتفضلها . .اسلوب التهديد مش بيمشى معايا
ف واحد كان واقف معاه قام قايله خلص المخالفة وكده انجز
ف كتبها وهو وشه احمر وكانه هينفجر
قام قايلى وانتى ماشية جاية تركبى المترو توريهم الورقة دى
قمت قايلاله غريبة هو مفيش قراية
قالى مش فاهم
قلتله يعنى
زى ما قريت ان عليا مخالفة . .كان ممكن اقرى طريقة دخولى المترو بالمخالفة مرة تانية
انتي هتقوليلي ماناعارفاكي تستفزي بلد يا زوزو
البنات لما دخلولى علشان يقولوله انها اول مرة وكده طردهم . . قمت قايلالهم يا جماعة عاتى يعنى خليكم كوول . . الراجل باين عليه طيب سيبوه يتكلم قصدى يورينى الارشادات
(كنت باردة اوى . . مكونتش بتخانق بقالى فترة)
ياشيخه قولي كلمة حق ده انتي بتفطري وتتغدي وتتعشي خناقات
المهم وانا خارجة لاقيتهم بيقولولى مكونتش دفعت المخالفة وكده اللى كان واقف برة قالهم يقولولى كده
. . . .
المهم
نزلت عند طب بيطرى قبلها بشوية وتنت زوزو لسه مجتش كانت عاوزة تستعبط عليا هى وصحبتها . . ان صحبتها تقول انها هى بس ع مين
تى بيضا والتانية فرخة قصدى سمرا
يا سلام والله امل اللي كانت عايزه كده بس انا قلتلها لا متهونش عليا
بس زوزو طلعت قصيرة مش زى ما . . . . (مش هفضحك)مش هستندل اهو
قعدت معاها شوية وحضرتك معاها محاضرة غريبة
الله يخرم جيبك يا بت انا قصيره تكونيش واخده مقلب وفاكره نفسك طويله ولا حاجه
الدوك/ كان عبارة عن كائن فضائى مات من قرنين
اسكتي مش طلع مش هو ده الدكتور اللي متخرج سنه 49 ده الدكتور ده طلع بصحته الدكتور اللي دخللنا المحاضره التانيه بقي كان بيوشوش نفسه وندمت اني مركزتش في المحاضره اللي قبلها كنت فهمتلي كلمتين هههههه
كان ف ولد قاعد جنبينا مشغل اغانى وبياكل وعايش حياته
قلتلها تعالى نبدل المكان انا وانتى
(بهزر والله)
قالتلى الولد ده التامن ع الدفعة
!!
لما ده التامن . . اومال انا لو عندكوا كنت طلعت اييييييييييه ؟! بتهزرى
بعت كده مشينا شوية وركبتنى ميكروباص وطلعنا ع جامعة القاهرة بقى
قابلت سالومى (هبة) واية من الله
وقعدنا نهزر
روحنا قعدنا ف جنينه اول ما شفتها قلتلهم لا مش عاوزة اقعد فيها
دى شبه الجنينة اللى قعد فيها زومبا وكوماندوا وفامبير
طب خليها في سرك لازم تفضحي نفسك وتقولي انك نميتي ع الناس هههههههه
قعدنا نهزر ونتكلم . . اغبى موقف اتحطيت فيه
كنت بحكيلهم ع موضوع خالود بتاع (يا بنات البسوا . . ) وبتكلم عليه عادى لاقيت جروب ولاد قاعدين ورانا متاعين الحوار من اوله
قلت اتاكد قمت قايلالهم فاصل ونعود يا جماعة ف هما بيضحكوا لاقيت الولد اللى متابع بيضحك قولت اوبس كان متابع الحوار
!!
طب كنت ركزت ف موضوع تان غير الموضوع ده
بس كان يوم جميل بجد
والشخصيات كلها لذيذة جداااا
اية من الله عسولة اوى ع فكرة ومش هى اللى ف المنتدى خاالص
سالومى (هبة) شخصية لذيذة بس حسيت انها مش ظاهرة ف المنتدى او قليل وجودها
مكونتش عارفاها اوى
بس كنت مبسوطة لما اتعرفت عليها
وزوزو
بلاش اقول
بس كلهم قصيرين بتقدير امتياز مع مرتبة القصر
يابت كده هيصدقوكي ويفكروكي طويله
طب علي فكره بقي انا طلعت اطول منها
بس هي بتحب تشوه صورتنا قدام الارانب قصدي الاجانب
كفاية كده
اشوفكوا ف مقابلة تانية
هي لسه فيها تانيه
ماخلاص بقي السنه الجايه وعليكي خير
انا عندي ميد تيرم المواد اللي بره الكليه بتاعتي وراثه واحصاء وكيمياء
وامتحاناتي 2/5 عملي ونظري
يعني م الاخر هصعب عليكي لو شفتيني وهتعيطي عليا وكده
بلاش احسن

بس بجد كانت مقابله حلوه اوي
رغم اني اتخانقت مع اصحابي في الكليه بسبب الموضوع ده
وقعدو يقولولي اخرة النت دي مش كويسه وكده
بس انا قلتلهم اني مش هقابل حد تاني
وفينفس ذات الاسبوع قابلت جيجو وخوخه
ياللا عقبال ما اقابل بنات المنتدي كلهم
كل مقابله وانتو طيبين