اقتباس:
المشاركة الأصلية كتبت بواسطة khaloood
بصراحه عندك حق يا اسيل المفروض افترض حسن النيه
صح فى بنات بتلبس بناطيل عشان اتوبيسات وموتسيكلات وكلام من دا
بس انا بتكلم عن موضوع معين وفئه معينه وهى الغالبيه دلوقتى
والله والله والله الكلام دا من على لسان بنات وولاد
انا مش بقول كدا وخلاص
وفى الغالب البنطلون عشان كدا
انا مش عارف ليه مش عايزين نقتنع
المهم انا مقدر الجرأه بتاعتك انتى انك اول بنت ترد على الموضوع دا
وحاضر هشرب اللبن قبل مانام لانى بحب اللبن جدا
وثانيا
بطلى تضحكينى بالتوقيع بتاعك دا
حد قالك تضحك
وثالثا
برده مش قولتيلنا حل للوضوع دا
ومستنيكى مره تانيه |
حل ؟!! .. حل لإيه ؟؟!!
بخصوص الحل ده مش هقولك لا يغير الله ما بقوم حتى يغيروا ما بأنفسهم وبس
دكتور فتحى الشرقاوى ربنا يكرمه كلمنا على نقطة التغيير دى
يعنى مثلاً لما واحدة تقول أنا موافقة أتجوز الشخص ده .. يقولولها مش بيصلى .. تقولهم أنا هغيره
دا كلام غير صحيح بالمرة لإن ببساطة الشخص ده حتى لو فعلاً صلى على فرض إنها هى اللى غيرته فا هيفضل فترة وبعد كده مش هيصلى إلا فى حالة واحدة إن ربنا هداه من عنده
أمال فايدة الدعاء إننا نقول ربنا يهدى فلان .. ؟؟ إن هو اللى يحس من جواه إنه غلط ولازم يبقى صح
اللى بيشرب سجاير مش هيبطلها إلا لما يحس بغلطه وساعتها هيمتنع عن التدخين
فايدة الكلام ده إيه ؟؟
إفترضنا إن واحدة ملتزمة جداً وعايزة بنت من البنات دول يتغيروا عن السلوك اللى بيعملوه وفضلت تكلمها عن الدين واديتها شرايط دينيه وما إلى ذلك .. يمكن دا يحرك حاجة فيها بس الكلام ده لو هى فى قلبها حب للتغيير
لكن لو واحدة مش فى دماغها وأكيد هما عارفين إن ده غلط لو هتجبلها شيوخ الدنيا يكلموها ولا هتتحرك إلا من نفسها هى
أكيد هتعترض على كلامى وتقول لو حد كلمهم ممكن يتغيروا ولو ماتغيروش يبقى كل واحد عمل اللى عليه
بس فعلاً مش هيتغيروا ولو إتغيروا هيكون تغيير مؤقت .. لما تشوف بنات لبسهم محترم ممكن تدخل فى نفسها شىء من الكسوف وتبدأ تتغير
وربنا يهدى الجميع
إيه كل الرغى ده .. معلش أنا آسفة جداً
فى رعاية الله