[JASSY]

المشاركة الأصلية كتبت بواسطة اوركيديا

هههههههههههههه

تنش تعيش تاكل قراقيش
مش فاكره قريتها فين دى
حلوة دي


المهم
الموضوع حلو كفكره عامه فى اننا ناخد الامور ببساطه
كل الدنيا دى لا تساوى عند الله جناح بعوضه

بس دى القاعده العامه
لازم معاها تقولى الاستثناء بتاعها
الدين
كله الا هو
مش ينفع نتنش فيه
او نقول و انا مالى
و انا عبد المأمور و العته اللى بيقولوه ده
فى الحاجات دى لازم نقول كل اللى عندنا و ندافع عنه مهما كان
و ربنا هو اللى امرنا بكده

طبعا مينفعش نطنش في الدفاع عن ديننا لان عايشين اصلا عشان نطبق ديننا ونرضي ربنا . وانا معاكي جدااا

بس كل اللى بايدينا نعمله عامه
اننا نحاول ناخد الامور عامه بالراحه
بس بمنطق صح
دى حته من مقاله كنت قريتها قبل كده
كانت بعنوان
يعنى تكبر ال(d) ؟؟او تحرق ال (الدم)؟؟ مفيش وسط ؟؟

ستيفن كوفي في كتابه "العادات السبع للأشخاص الأكثر فاعليه" رسم لسيادتك دائرة سوداء كبيييييرة ,
و رسم في وسطها دائرة بيضاء صغنونه ,

سعادتك بقى الدايرة السودة دي هي المشكلات و الواقع و القرف اللي احنا بنشوفه كل يوم
أما البيضه بقى , فتبقى انت ,احم احم , قصدي قدراتك و الحاجات اللي انت تقدر تعملها ,
و طبعا قدراتك بالنسبة للواقع الأسود صغيرة جدا زي الدايرة البيضه دي , طب إيه الحل ؟؟

عَمُو ستيفن قال لك لو قعدت تبص على الدايرة السوده هتكبر أكتر و أكتر
لأن الحاجات الوحشة بتكبر مع الزمن ... و المصايب بتزيد لوحدها ,
هتقعد سيادتك تتكلم عليها و تشجب فيها و هي عمالة تكبر و انت ما بتعملش حاجة علشان تحلها ..
و لا حتى قعدت تحاول تكبر الخير الصغير بنفس النسبة اللي الشر بيزيد بيها ..
يبقى تعمل إيه ؟

لو مش عارف تصغر السودة , يبقى تكبر البيضه !!

يعني تحاول تبص على البيضه -الدائرة يعني - ,
و تتجاهل السودة لأنك ما تقدرش تعمل فيها حاجة ,

خليك مع البيضه و حاول تكبرها أكتر و أكتر لحد ما تقضي الى السودة - في المشمش طبعا , انت بس هتكبر البيضاء , إنما الشر و الفساد لازم يبقوا موجودين , احنا مش في الجنة يا زعيم - ,

.
.
.

بصيغة أخرى يعني : بدل ما هتسأل نفسل "ليه" هتسأل نفسك "ازاي" ؟؟
يعني .....

بدل ما تقول هم الناس وحشين ليه و الاسلام ضعيف ليه ,
و كل الناس علينا ليه , و الفساد ماله جامد قوي ليه ؟؟

هتسأل بـ"إزاي" ....

هتقول , إزاي أغير الناس السيئين ,
إزاي أخلي الاسلام قوي ؟
إزاي أحاول أحارب الفساد أو أو حتى أتجنبه ؟

شوف , في الحالتين المشاكل موجودة ,
بس الحالة الأولى انت سألت نفسك و كلمتها بطريقة سلبية محبطه ,

أما الحالة التانية فانت سألت نفسك بطريقة مشجعة تدفعك للعمل ,

يعني بدل ما تقعد "تبكي على الاطلال " جنب التلفزيون و انت بتسمع الأخبار ,

هتسأل نفسك , أنا لوحدي كده أقدر أعمل ايه ؟
أنا ممكن أتفوق , ممكن أتبرع بفلوس , ممكن أوعّي الناس ,
ممكن أخاطب "الآخر" و أشرح له الحقيقة ,
ممكن أعمل حاجات كتيرة هي بسيطة آي نعم ,
لكني عملت و ما قعدتش و حطيت ايدي على خدي و خلاص

بس فى رعايه الله

ميرسي ليكي جداااااا ع عرضك للمثل ده وع مرورك
بس اوضح اني مكانش قصدى السلبية خالص بالطناش قصدي ان احنا مناخدش الامور كلها على نفسنا ونحاول نبسطها شوية..وشكرا ليكي مرة تانية ع مرورك....