[جمال سراج]

[quote=د/عاشقة جنة الفردوس;1163383]

سبحان مقدر الأقدار , و سبحان مقسم الأرزاق
لا يعلم من يكون إلا هو سبحانه العليم الخبير
فهو -سبحانه- اختاره لي من بين كل الشباب , فرضيت ربي

حقا سبحان مقدر الارزاق
ياريت اخواتنا واهالينا بردو مش اخواتنا بس يعرفوا ان الزواج دا رزق فعلا زى ما حضرتك قولتى
وان الزواج دا حياة وعشرة ومصير - مش عريس وخلاص او عروسة وخلاص
او حاجة تتعمل وخلاص
الزواج بالذات لو مكنش الاختيار صح من البداية يبقا بلاش منه
طيب ازاى يكون الاختيار صح اصلا!!!!!!!!!!!
الموضوع بسيط - تسليم الامر لله عز وجل رازق العباد - مع التمسك بقواعد الاسلام فى هذا النطاق
مش الرسول بيقول
فاظفر بذات الدين تربت يداك
ومش ربنا بيقول( والباقيات الصالحات خير عند ربك ثوابا وخير املا)
زى ما الراجل بيختار - المراة ايضا من حقها الاختيار وفق قواعد الشرع
بس بلاش تشدد ومغالاه فى امور الدنيا ( المهور - والشقة والعفش والحاجات دى) - خلينا فى الوسط ( الوسطية تعنى الاعتدال)
ياريت يكون التشدد فى الصح ( الاختيار للقيم والدين والمروءة مثلا)
ولما ميكنش فيه نصيب ليه نزعل - ماهو احنا لو نيتنا خالصة لوجه الله زى ما قلنا ربنا هيبعت احسن منه
مش احسن ما يحصل ارتباط فاشل ويندم الانسان على كدا طول عمره
ما انتو حضراتكم شايفين اليومين دول كتير حالات طلاق وفشل
وربما بنت تتجوز ايام او شهور وتطلق وتعيش كدا طول عمرها
ودا كله لان الاختيار خاطىء من الاول
وخاطىء ليه
سبب واحد ورئيسى وهو البعد عن الدين والنظر والتفكير بنظرة سطحية للامور وعدم تحمل المسئولية
البنت لما تتجوز هتتنقل لمرحلة تانية من المسئولية هيبقى وراها زوج واولاد واسرة وبيت مش معنى الزواج انفاق ببزخ او راحة
الدنيا اصلا كلها مرحلة انتقال للحياة الابدية فى الآخرة( نسال الله ان تكون الجنة باذن الله)
يبقى مطلوب من كل انسان زى ما حضرتك قلتى ان يكون ارتباطه اولا بالله عز وجل
دا لو كان ارتباط صح يبقى اى ارتباط تانى هيكون اكيد صح
وفى النهاية ربنا يوفق كل البنات لما فيه الخير ويرزقهم ازواجا صالحين ومن بعد الازواج زرية صالحة باذن الله
دمتى والجميع بكل خير