بدايةً كدة
قبل ما ارد على الموضوع
انا هافترض المثالية فى الطرفين
او بلاش مثالية
بس الاتنين كويسين وماحدش بيشتغل التانى
ومش هايعملوا حاجة غلط ويعلقوها على شماعة الحب
او على شماعة ( ضحك عليا )
ودى اكيد نسبة قليلة شوية
اقتباس:
المشاركة الأصلية كتبت بواسطة ELL0RD
المهم طلب صغير ياريت الردود متخرجش عن نطاق حدود الموضوع
|
حاضر .. هاحاول
اقتباس:
المشاركة الأصلية كتبت بواسطة ELL0RD
اولا الفرق بين عالم النت وعالم الواقع
لا يوجد اى فرق بين عالم النت وعالم الواقع لان عالم الواقع فية الحلو والوحش الصادق والكاذب .... الخ
كذلك عالم النت فية فية الحلو والوحش والصادق والكاذب والمنافق والامين .... الخ
|
تمام جدا
اقتباس:
المشاركة الأصلية كتبت بواسطة ELL0RD
دا من وجهة نظرى الشخصية
ان الحب انى احب الشخص كامل بكل حاجة فية
اما مثلا لو حبيت شخصية شخص ما دا انا بسمية اعجاب
او مثلا اعجبت بشكل شخص ما وانا معرفوش اصلا دا يبقى اسمة اعجاب وليس حب
ان شاء الله متفقين على تانى نقطة ؟؟
|
موافقة على تانى جزئية فيها
اللى تحتها خط
الاولانية نص موافقة
يعنى شوية اه وشوية لا
اقتباس:
المشاركة الأصلية كتبت بواسطة ELL0RD
الاول
|
اقتباس:
المشاركة الأصلية كتبت بواسطة ELL0RD
والحب تحكمه مشاعر لا تعتمد على الرؤية بالغالب وانما تحب الشخص
لشخصه فقط لا لشكله
الثانى بقى
ان الحب نبض ومشاعر بين قلبين بيكتمل بالنظر وبكدة يبقى الحب احساس فى الاول والاخر
كل واحد بقى يشوف هوة انهى الى بيمشى معاة ويعرفنى
|
حادى بادى كرنب زبادى
الاولانى
وعلى فكرة انا ماعملتش كدة .. باعمل كدة ف الامتحانات بس
اقتباس:
المشاركة الأصلية كتبت بواسطة ELL0RD
هسال سؤال واحد بس فى النقطة دى
الشخص الى انت حبيتة بجد واتعلق بية دة
ممكن النت يكفى لتكوين هذا الحب ؟؟
عاوز راى حضراتكم فى النقطة دى ونتناقش فيها ان شاء الله
|
تكوين الحب بينتهى ف الاخر بالزواج وحياة سعيدة وتبات ونبات وصبيان وبنات
والكلام بتاع حواديت تيتة ( او اغانى العسيلى .. مش هانختلف )
يعنى لو من بداية الحب .. هو ده الهدف
ومش بيحبوا بعض لمجرد الحب
كل حد ف الطرفين هايقدر يفهم كويس اوى الظروف
ويعرف اذا كان ينفع يكمل ولا لا
وهنا يبقى شكسبير غلطان ف مقولته .. مش اوى يعنى
( الحب اعمى والعشاق لا يرون الحماقات التى يرتكبون ) انا مُترجِمة عايزة تتحدف من البلكونة
المهم عشان ابطل رغى
لما يكون الحب ده مبنى على العقل
غير لما يكون مبنى على الهوا
ومش هايتبنى عالعقل
غير لما نفكر ف اخر الطريق قبل ما نفكر ف اوله
يعنى قبل ما يفكروا ازاى يصارحوا بعض والحاجات دى
لازم يفكروا ف النهاية
يا ريت بس يختاروا تتر كويس
اقتباس:
المشاركة الأصلية كتبت بواسطة ELL0RD
طيب نعارض ونقول لا مفيش حب نت سبب المعارضة
|
اقتباس:
المشاركة الأصلية كتبت بواسطة ELL0RD
لية منقولش مثلا انة بيشتغلنى او بيضحك عليا
وطبعا بتحصل كتير جدا مع الولاد تحديدا مع البنات
صح ولا انا غلطان ؟؟
انت اية اصلا الى يخليك تثق فى حد انت مشفتوش ومتعرفوش
هتقول ردودة وفوق دة ودة انى حبيتة
طيب ما افرض انة بيلعب بمشاعرك مثلا ؟
يعنى مش عاوزين نقول فية حب نت او مفيش
|
يعنى هو الولد اللى بيضحك على البنات ف النت ويشتغلهم
مايقدرش يعمل كدة ف الواقع ؟
او العكس
لو البنت اللى بتكدب عالولاد عالنت
ماتقدرش تعمل كدة ف الواقع ؟
اممممم
اولا .. بايخة كلمة الواقع دى
لان النت مش خيال !!
ثانيا .. حاجة كان فيه حد قالهالى قبل كدة
زى ما الانسان ممكن يغير شخصيته عالنت
هو ممكن يغيرها برا النت برضو
يعنى تقدر تقول انى معارضة الرأى المعارض ده
لان احتماله مش كبير .. وانا قولت هافترض المثالية
الا لو قولنا ان الكلام بالكتابة
بيسهل على الشخص الكداب انه يكدب
ومش بيكون سهل على الشخص اللى بيتكدب عليه انه يفهم
يعنى هو ف الواقع ممكن يفهم اكتر عشان تعبيرات الوش او كدة
بس زى ما الانسان ممكن ياخد باله ويفهم من تعبيرات الوش
برضو يقدر ياخد باله ويفهم من اسلوب الكلام
ده غير الاحساس الداخلى للانسان نفسه
وبما انى كدة هادخل ف نظام انا قلبى دليلى اللى مش باحبه
ف نقول الاحساس الداخلى والتفكير ف الكلام ومدى منطقيته
اقتباس:
المشاركة الأصلية كتبت بواسطة ELL0RD
بس هنعمل النت مجرد حلقة وصل بين الشخصين دول وبس
ودور النت انتهى كدة
ويتقلب حقيقة
كدة يبقى علا حب كامل الشروط والجوانب يمكن اصدق من الحقيقة
لانهم عرفو شخصية بعض قبل ما يحبو بعض
منتظر تعليق حضراتكم على النقطة دى لان فيها كلام كتير قوى
|
تمام
عشان هما لما عرفوا بعض مكانش ف دماغهم اى حاجة
وكل حد فيهم كان بيتصرف على طبيعته
وعشان كدة كل حد فهم التانى
وعرف مميزاته وعرف ازاى يتأقلم مع عيوبه
وده ممكن يحصل ف الحياة اليومية العادية
بس نقدر نقول ان النت بيسهل الكلام شوية
يعنى ف الحياة الواقعية مش اى حد بيبقى على طبيعته اوى ويبين عيوبه لاى حد
لكن عالنت بتبقى زى اللى بيتكلم من ورا ستارة
يعنى ماتفرقش معاك مين يعرف عنك ايه
طالما هو ماتربطهوش بيك حاجة ف ( الواقع اللى مش عاجبنى اسمه ده !! )
اقتباس:
المشاركة الأصلية كتبت بواسطة ELL0RD
اممممممممممممم
|
اقتباس:
المشاركة الأصلية كتبت بواسطة ELL0RD
|
انا تعبت فعلا .. وعايزة اذاكر وانام
كفاية رغى كدة
واحتمال احتمال اجى ارغى تانى
طبعا اكيد مفيش مشاكل ف كدة والموضوع ينور بيا ف اى وقت .. شكرا يا أنا
وشكرا عالموضوع يا محمد
ملحوظة اخيرة للمرة التالتة : مش باحب كلمة النت والواقع
وباقولها من غير قصد .. تعود مش اكتر