[جمال سراج]

تخلف وجهل
مفاخرة فارغة لانها مبنية على اساس من ماء
ياريت اللى بيقلد الاجانب يقلدهم فى الامور اللى هى اصلا اساسيات دينا ومبادءنا وسلوكياتنا
زى النشاط واتقان العمل والتعاون والايثار ومساعدة الغير وحب الخير
وياريت اصلا اللى بيتشبس بالكلام ده يكون عنده ثقافة اصلا اى ثقافة
انما ثقافته محدودة اصلال بلا ثقافة - بل بلا هوية
يعنى لا فى انجليزى نافع ولا فى عربى نافع ولا فى شغل نافع ولا فى حاجة خالص
كفانا فخرا حتى ان كلمة زى الاسد فى اللغة العربية لها تقريبا 100 مرادف بينما لا نعرف للها بالانجليزية مثلا سوى lion
انا بقول الكلام دا وانا بحمد الله اعرف اتكلم واتعلم باكثر من لغة اجنبية زى الفل
بس عاوز اقول ان احترام الشخص للغته مش بس اللغة اى حاجة زى القيم والاخلاق والمبادىء حتى لو غلط بيجبر الاخرين على احترامة
فما بالك لو كانت تعاليمنا وقيمنا وديننا والحمد لله واخلاقنا وهويتنا الثقافية كلها بتحث على العلم والاحترام للثقافات والتعاون معها لتنمية الفكر والثقافة
والثقافة مش زى ما هو دارج ( نيو لوك جديد ولا موديل جديد ولا موبيل جديد ملوش لازمة اصلا ويمكن مبستخدمش ربع امكانياته اللى بيعملها ولا حتى اشترى جهاز ملوش لازمة او جزمة مش محتاجها؟)
انما الثقافة هى ثقافة عقل - ثقافة فكر - ثقافة روح
ثقافة تؤدى الى احترام الاخرين والتعاون معهم دون التقليد الفارغ الاعمى - ثقافة البناء على الاساس السليم وليس انكاره والتخلص منه
شكرا ليكى ريحانة
افتكرت نكته بمناسبة موضوعك دا كنت سمعتها اسمحيلى اقولها
( كان فيه واحد من اللى غاويين مظهرة فارغة وهما متخلفين اصلا ميعرفش غير كلمتين هما Two Tea يعنى 2 شاى وكل ما يكون عالكفتريا هو وواحد صاحبة يتمنظر شوية ويقول للجرسون 2 Tea بص لقى فى يوم 10 اصحاب جايين يقعدوا معاه
طب يعمل ايه ماهو مش عارف غير 2 tea يعنى مش عارف Ten يقول يشاور للجرسون عليهم ويقولوه جرسون تو تى تربتت تى
شكرا لحضرتك واحترامى وتقديرى لكى وللجميع