الصفحة الأولى كلها كانت الساعة الأولى من الفيلم (وضيف نص ساعة تانية محاورات)
وكانت مشاكل وصراعات وتعارض وجهات نظر
ثم بعد ذلك بدأت الشخصيات تتضح والأمور تفسر في النصف ساعة الاخيرة من الفيلم (الصفحة التانية)
وبدأ الجميع يرجع لسابق عهده أحباء مترابطين في ال5 دقايق الأخيرة من الفيلم (الردود الأخيرة)
وتوتة توتة خلص الفيلم
كنت حقول كلام كتير بعد ما شفت الصفحة الأولى
بس خلاص اتقال وزيادة في الصفحة التانية
وكنت عايز أقول كام ملحوظة :
1) مع احترامي للإداري اللى فك الحظر وانتو انذرتوه
ازاي عينتو مشرف ميعرفش القوانين ؟؟؟(ممكن استثني ذلك لو كان مشرف جديد)
2) ايه المانع لما عضو يستفسر او يعترض على حاجة شايفها او فاكرها غلط
هو المنتدى فيه دكتاتورية ولا ايه
يعني في مواضيع بتعملوها للاداريين فقط وغير مسموح للبقية برؤيتها
انا عارف إنه في مواضيع مينفعش الاعضاء يشوفها لأنها بتكون خاصة جداً
لكن في مشاكل عامة لازم الكل يطلع عليها
عشان مش بحب أحس إني بكون دايماً ورا الستارة (او قدامها مش عارف
)
3) ياريت الإداري ميحسسناش إنه إداري لأ يكون عضو عادي مندمج معانا ويستخدم صلاحياته في الأمور الخاصة جداً
زي كده الدكتور ميحسش نفسه دكتور إلا لما يشيلك المادة
في مشرفين عشان يحسوا إنهم مشرفين لازم يحذفولهم رد ولا موضوع وياسلام لو وقف عضوية يبقى هو كده مشرف بجد
4) لازم يكون في سبب واضح للجميع لوقف عضوية الشخص
عشان بعد كده محدش يتكلم عالاداريين ويقول تذبذب في الادارة وما إلى ذلك
وعشان الكل يبقى على بينة من الأمر
كفاية لحد هنا وبطلوا لعب بقى وكل واحد ميفضيش وقته من الكلية عشان المنتدى هنا
خليتوني قعدت معاكو وعندي امتحان بكره 