شكراً على مرورك وجزاك الله كل الخير
طيب أنا هفضفض الأول بس على فترات عشان لو قعدت افضفض لوحدي
هاخد الموضوع لحسابي
الفضفضة الأولى
وهي تتمثل في سبب كتابتي للموضوع دا أصلاً
بصراحة الدنيا علمتني كتير بس الواحد مش بيتعلم أو بيتعلم لما بيتقرص كذا مرة
مش من أول قرصة الواحد بيتعلم .
طيب الواحد بيتعلم ايه ؟
بيتعلم إن بالفعل محتاجين أوي نقتدي برسولنا محمد صلى الله عليه وسلم
تابعت مقتطفات من حياته صلى الله عليه وسلم
لقيته قيادي رائع .. أب رائع .. زوج رائع .. ابن رائع .. حما رائع .. تاجر رائع ..
باختصار وزي ما ربنا وصفه في كتابه العزيز "وإنك لعلى خلق عظيم"
ولقيت إن السعادة الحقيقية في اتباعه صلى الله عليه وسلم
جيت بقى جمعت الآيات والأحاديث اللي فوق دي
لقيتني بقول لنفسي ..
الله الله الله الله .. دا انت هتروح في داهية يا أبو حميد .. بالفعل انت لو طبقت الآيات والأحاديث دي
على حياتك .. وجيت تقول أنك بتحب الرسول صلى الله عليه وسلم
هقول عليك ميت كداب
عشان كده وقفت مع نفسي وقفة وحبيت آجي أقفها معاكم
ونراجع كلنا مع بعض نفسنا
ونحط خطوات عشان نحب النبي صلى الله عليه وسلم حب صحيح
حب يستاهله حبيبنا محمد صلى الله عليه وسلم
انتظروا الجديد من الفضفضة في حب نبينا محمد صلى الله عليه وسلم
يلا مين اللي هيفضفض بعدي؟