تعرفوا يا جماعة أنا رأيي إيه في الموضوع ده؟
أنا رأيي إنه كبر ع الفاضي
هأحكيلكم على حكايات زمان مع أنتيمي اللي مش أنتيم ههههه
تعرفوا كنا بنتخانق على كل حاجة
كل حاجة
و لما نتخانق ممكن نغلط في كل حاجة
و إنت ما أعرفش إيه
لأ ده إنت اللي بدأت
لأ ده إنت اللي ما عندكش دم
وعارفين كنا بنقطع فروة بعض خالص وساعات كمان قدام كل العيال التانية
والموضع ده فضل معانا مدة كبيرة
وكل لما بنتخانق بنرجع تاني و ناسيين كل حاجة
مش عشان إحنا أنتيم
لكن لأن ده في رأيي هوه الوضع الطبيعي
ما فيش حاجة الواحد يستحق عشانها يزعل
رحمة فعلاً سكتت في البداية
لكن مش معنى كده إنها ما غطلتش
تعرفوا المثل اللي بيقول "يصوم يصوم و بيفطر على بصلة (معلش يا رحمة و الله مش قصدي حاجة خالص)"
و يا ريت كل اللي نفسه يعرف وجهة نظري السليمة
ينظر للموضوع نظرة شاملة
رحمة فضلت مستحملة و شايفة إنها تقدر ظروف happy لكن فجأة هب كل المنتدى في وش happy و ده بسبب إيه؟
مشكلة هايفة من اللي بنقابلهم كل يوم
و كل يوم بنجع لبعض و نيجي بعد كام سنة و نقول يااااااااااااااااااااااااااااااااااه
هل كنا بهذا ال .......... ؟
وللأسف في ذلك الوقت سترد إحداهما على الآخرى بأنها هي اللي غلطت الأول
و يتخانقوا و يرجعوا لبعض بعد يومين
يا جماعة أنا متابع المشكلة
لكن شايف إن ما حدش غلط
لأن المشكلة هايفة في أساسها
المشكلة الرئيسية إنها كبرت
المشكلة في المشكلة بحد ذاتها
المشكلة إن إحنا قعدنا نفخ فيها لحد ما وصلت للوضع ده
ما حدش غلطان
و لو مصممين تطلعوا حد غلطان
فأنا رأيي إن الغلطان بجد في الموضوع ده
يكون
أنا
لأني ما عملتش اللي عليا في إني أهدي الجو
خلاص يا جماعة
بوسوا راس بعض
مش مهم مين يعملها الأول
لكن أكيد اللي هيبدأ هيبقى ليه مكانة كبيرة عند التاني
شكراً عشان قريتوا ردي الطويل ده
لكن أعمل إيه بقى
ما أنا شكلي كمان أصوم أصوم و أفطر على خل
هههههههههههههههه
يلله يا جماعة
إحنا مش عاوزين
happy العضوة في المنتدى كعضوة لأن النتدى لازم ما يمشيش منه الأعضاء
لأ
إحنا عاوزين happy الإنسانة
و طبعاً عاوزين رحمة للعالمين
و إياك حد تاني في المنتدى هنا يقول أنا ما حدش عايزني
فاهمين؟؟؟؟؟؟؟؟؟؟؟؟؟
يلله سلام
__________________
May God Bless all of you Wishing you a spiritual Ramdan Salah El-Din ReceptiveGuy
|