صباح / مساء ... الخير عليكوا
ممكن تجاوبني ... تجوبيني ..... بس بصراحه ممكن
ولو سمحت(ي) لو مفيش جواب .... رجاءا عدم تكمله هذا الموضوع
ميرسي جدا علي زوق حضرتك
^^^^^^^^^^
اولا ... الشباب
- انت مالك ومال موضه البنات بتتدخل فيها ليه؟ومالك ان كانت لبسه محترم او مكروه لبسه جيب ولا مينى جيب ..انت مالك هى اللى هتتحاسب ولا انت ؟؟؟؟؟؟ ومحدش يقول نصيحة ومش نصيحة اكيد هى سمعت الكلام ده مليون مرة منك او من غيرك
اولا انا بتدخلش لا فى موضوة ولا فى لبس لاكن لو حد طلب رايى بعبر عنة ورايى انى لازم اتدخل مش بس فى موضة البنات كما فى موضة الولاد مش لاانها موضة لاكن عشان بتعكس افكار جيل معين هو الى هيتولى صناعة الاجيال القادمة وطبعا لو الواقع زى ما اهنا بنشوف كل يوم يبقى طبعا المستقبل noir يعنى اسود يبقى لازم اتدخل واحاول اصلح وكل واحد يبدا باصحابة واهلة ويحاول
وبالنسبة لموضوع النصيحة خليهم مليون وواحد مش الواحد دة الى هيضايق اوى يعنى يمكن ربنا يهدى
- دايما بتتعارض وبتتكلم ع اللبس الضيق للبنات انت مالك يا عم ؟ وكمان بتبص عليها وهى ماشية مابتغضش النظر زى ما الاسلام بيقول ليه؟؟؟؟؟؟؟
مالى ازاى يعنى مينفعش طبعا يعنى هيا تشيل ذنوب هى حرة فى نفسها تولع بجاز لاكن فى شباب كتير بيبقى نفسة يلتزم لاكن بيلاقى حولية لبس مش محترم فى كل مكان فلو هو مش ايمانة قوى ولسة بيحاول يقوى ايمانة ويلتزم هيضعف واهنا بشر مش ملايكة لازم نضعف
يبقى كدة عضو واحد فى المجتمع فاسد انا سبتة فافسد عضو كمان على اقل تقدير يعنى
ودة كمان بينطبق حتى لو الشخص علاقتة بربنا كويسة للااننا مش انبياء وكلنا معرضين للفتنة
يبقى الواجب اننا نمنعها من الاول وانا والله بتعجب ازاى بنت تخرج بالمنظر دة من بيت فية راجل
يعرف يعنى اية كلمة رجولة
وانا لو عندى بنت وهتخرج بالمنظر دة يبقى احبسها فى البيت احسن ولا ابقى واقف بصلى فى الجامع وهى عمالة تشيلنى ذنوب وفى الاخر اخش بيها النار لا ياعم قلتهم احسن
بلا وجع دماغ
-ليه مابتعترفش باهميه المراه فى العمل رغم تفوق المراة فى اشياء كتيرة والمراه الان اصبحت تعمل فى كل شى التجارة والشرطة والقضاء و هى ايضا تعمل اهم شى وهو عمل البيت ازاى لغاية دلوقتى فى رجاله كتير اوى مش معترفة بكده؟؟؟؟؟؟
طبعا المراة ليها دور مهم جدا فى المجتمع سواء فى العمل او فى البيت لاكن مستحيل انها توفق بين الاتنين بشكل كامل والى يقول غير كدة يبقى بينافق نفسة
لاكن انا عن نفسى من انصار عمل المراة لسبب واحد وهو الغيرة
اى بنت لما تغير بتدى اداء هايل سواء فى الشغل فى البيت فى الخناق فى المذاكرة فى اى حاجة
اهم حاجة تخليها تغير وتلاقى شعلة من النشاط والعمل الذى لايتوقف
وانا بجد بحسد البنات على النعمة دى وكلة فى مصلحة المجتمع فى الاخر
ليه اما بتتعرف علي بنت .. بتقعد تتفشخر ادام اصحابك ؟ وانا عملت وانا سويت ... ايه ياعم انت هتجنني ... ما تحافظ علي سيرتها وكرمتها .... ولا دي مش زي اختك ؟؟؟
ههههههههه
الموضوع مش كدة
اعتقد ان حاجة زى كدة بتحصل من شباب فى ثانوى او اولى كلية يعنى بيبقى لسة الواحد صغير
مش قادر يعقل حقيقة علاقتة بالجنس الاخر فبياخد الموضوع من منطلق انة يكلم بنت وخلاص بتفهم بئة بتفهمش مش فارقة معاة المهم انها بنت
ودة طبيعى فى وجود مجتمع كل واحد عايش فية فى حالة حتى جوة البيت الواحد
الام اول متجهز الغدى يبقى خلاص دورها انتهى لحد العشاء
والاب راح الشغل وجة وجاب المرتب كل اول شهر وعلى كدة دمتم عازين اية تانى من الراجل خلى عندكم دم
وعادى يعنى اهنا مرينا بالمرحلة دى قبل كدة وكلة بيعدى ويفوت
واحد قاعد مع صاحبه فابنت عدت عليهم ... تلاقيه جايبها من فوقها لتحتها ؟ وفجأة ... انتي بتبصي علي ايه يا برنسيسة ... دانتي حتي الميك أب بتاعك بايخ ؟؟ وايه دا ... انتي عينيكي كدا ولا حاطه عدسات ... اظاهر انك بعدسات ؟؟ ههههههههههههه ... افهم بتضحك علي ايه ؟؟ وايه حشرك من الاول .. كانت قالتلك علق ..
. تفاهة بئة تقول اية
وبعدين الموضوع بالنسبة للشباب هزار فى هزار عاوزين نضحك وبعدين هى لو متستهلش يتعمل فيها كدة مكنش حصلها كدة
وعلى فكرة فعلا بيبقى القصد الهزار فكرتينى والله
كنت واقف انا وشوية من اصحابى عند المدرج فجت بنت كانت حطة ميك اب زبالة ولبس كلة الوان ملهاش علاقة ببعض
راح 3 طلعين مرة واحدة الرقاصة جت..... هية الرقاصة جت
الواحد قلبة كان هيوقف من الضحك
هو غلط بس الواحد مقدرش يمسك نفسة من الضحك بجد
ودة طبيعى اى حد بيشوف حاجة مش مظبوطة لازم يعلق عليها
انما نظرية كل واحد يخلية فى نفسة دى مستحيلة