[Amethyst]

المشاركة الأصلية كتبت بواسطة ELL0RD

السلام عليكم ورحمة الله وبركاته

.. و عليكمــ السلامــ و رحمة الله و بركاته ..


ازيكم كلكم

واحد واحد وواحدة واحدة

.. بخير كلنا واحد واحد .. و واحدة واحدة ..
.. ايه حكاية الجملة دي معاك ..
.. على فكرة هي دي اللي بتطير المواضيع بتاعتك ..

يارب تكونو بخير

بدون مقدمات لانى بجد مش عارف ابدا ازاى

كالعادة يعنى

.. ده الطبيعي عند كل الأعضاء ..

المهم حصل موقف النهاردة وانا فى الجامعة واتكرر معايا كذا مرة

وبجد مكنتش عارف اوصل لحل لحد دلوقتى

انا النهاردة كنت بتمشى مع اصحابى فلقيت واحدة جارتى مخطوبة لابن عمها قاعدة مع واحد

.. هههه ..
.. يمكن مش عاجبها ابن عمها ..
.. مالكوا انتو ..

وما شاء الله قاعد بيقرا لها الكف

بصراحة انا وقفت وتنحت وبلمت

.. احم ..
.. أنا حاسة إن المعزوفة دي اتعدلت ..
.. أنا فاكرة مكانش فيها تناحة ..
.. تقريبا الكلمة الأولانية ((قبل التعديل)) على ما أعتقد حرام ..

معرفتش انطق بكلمة واحدة حتى

مكنتش عارف اروح لكلمها ولا امشى واعمل مش واخد بالى

ولا اية مش عارف

طيب بقول لواحد صاحبى مش دى فلانة

قالى اة هيا

قلت لة ودا احمد بتاع انجليزى صح قالى اة

قلت لة دا مخطوبة يابنى لابن عمها وخلاص هيتجوزو فى الاجازة الجاية دى

المهم احمد الى قاعد معاها دة لقيتة جاى لينا بيسلم وكدة

فلقيتة بيقول لنا اية مالكم

فصاحبى قالة انت تعرف ان الى انت قاعد معاها دى مخطوبة ومخطوبة لواحد قريبى كمان

قالة وانا مالى ياعم

.. عادي ..
.. ما هي جايباه استبن (( بديل يعني)) ..
.. و هو كمان جايبها استبن ..
.. يعني هو كمان ممكن يكون خاطب واحدة ..
.. و بيتسلى ..


فبقولة انت بتعمل معاها اية يابنى انت دلوقتى

قالى بقرا لها الكف

.. هههه ..
.. بيهزر أكيد ..

المهم هيا شافتنى فقامت مشيت

المهم بعد شوية انا رحت اجيب شاى فلقيتها فكلمتنى بتقولى انت تعرف احمد

قلت لها اة اعرفة

فبقول لها انتى تعرفية ؟

قالت ايوة دا صاحبى

قلت لها يعنى اية صاحبك !!

انتى مش مخطوبة ؟؟

قالت واية المشكلة يعنى

هوة انتم تحللوة على نفسكم وتحرموة على غيركم

قلت لها انتى بتكلمينى كدة لية

انا غلطان انى خايف عليكى يعنى

وكمان بتتهمنى بحاجة والله عمرها ما حصلت

فقلت لها دا انا الى ببحلة على نفسى وبحرمة على غيرى

المهم سكت ومشينا

وعرفت انها بدات تكلم عليا وكدة فى البلد

.. في البلد ..
.. محسسني إن المنصورة دي قرية صغيرة ..

وخطيبها زعل منى وافتكر ان انا الى بطلع عليها كلام
.. بالشفا ..

المهم السؤال بقى

انت لو شفت واحدة قريبتك او جارتك قاعدة مع واحد هتروح تكلمها ولا هتسيبها وتمشى ولا اية بالظبط ؟؟

منتظر تعليقاتكم ان شاء الله

فى رعاية الله

.. احم .. احم ..
.. لو جارتك صاحبة الكلمتين دول شافت الكلام ده ..
.. يبقى تقرأوا الفاتحة يا جماعة ..

.. هاروح أدور عليها و أقولها ..
.. أنا مرة روحت الجامعة ..
.. أنا طبعاً مش في الجامعة ..
.. كنت رايحة مع أختي ..

.. اتلقيت كل الأحبة اتنين اتنين ..

.. و فيه تلاتات ..
.. و فيه شوفت ولد قاعد مع تلاتة ..
.. المهم ..
.. قعدنا تحت شجرة ..
.. فا كان فيه ولد و بنت قاعدين ..
.. بيقولها لما أتخرج هجوزك و هاجيبلك أحلى شقة ..
.. و هاشتغل ..
.. و هاقبض أكيد 5 ألاف في الشهر أول ما ابتدي ..
.. و نجيب ولد و بنت كفاية ..
.. و هي أعتقد إنها مصدقاه ..
.. و قاعد يخرف أكتر و أكتر ..
.. و احنا قاعدين نضحك ..
.. كل ده مش كانوا يعرفوا إن احنا سامعين ..
.. لحد ما قمنا روحنا ..
.. و هما لسة قاعدين ..
.. روحنا مكان تاني بقى ..
.. برضه اتنين اتنين ..
.. بس مكانش فيه غير اتنين بس ..

.. و شوفت منظر مقرف هناك ..

.. من يومها و أنا بطلت أروح مع أختي و صحباتها ..

ملحوظة : انا اتعودت اى موضوع بنزلة باليل متاخر اول رد بيبقى فية حضرتك مش عارف لية

.. لأن ده ميعاد دخولها أصلاً ..
.. بتضرب أخوها بليل باين ..
.. و بعدين تقعد بقى ..
.. ربنا يكون في عونه ..

بلاها توقيع خالص
اشطة ؟

.. لأ مش قشطة ..
.. مربى ايزيس ..

.. أنا غيرت لون الكتابة بتاعي بسببك ..

.. يللا قولت أفكـ الخنقة شوية و أرد هنا ..
.. أصل عندي مصدر احساس بيقوللي انك مخنوق مني ! ..


.. يللا ..
.. طابت أوقاتكمــ بـ كل الخير ..
.. في أمان الله ..