[اوركيديا]

ههههههههههه
رغم بردو اعتراضى على فكره الموضوع نفسها
و انا فاكر ان اساسا من فتره كده اتعملت واحده زيها و حتى اتثبتت فتره بس الاقبال عليها قل و ده وضع طبيعى
و بردو عمو عصام عمل موضوع عن نفس الفكره
المهم بس انا خلانى ارد انى عايزه اعلق على الرد التحفه ده بتاع احمد رضا
المهم بس انا حعلق على شويه حاجات كده

المشاركة الأصلية كتبت بواسطة احمد رضا

كمان بالنسبة للبرامج السياسية ياسلاااااااااام ع الجراءة بتاعت النااااااااس ياسلام ع الناس الشجعان
والله ياجماعه 99.9 % تواطئ مع الأمن غرضهم انهم يفرغوا طاقتكم ويقولوا اللي الشعب عايز يقوله عشان لو الشعب قاله ممكن يحصل خساير لكن لو واحد طلع وقال الكلمتين اللي نفسنا نقولهم يااااه نقعد نصقف ونقول راجل والله وخلصت الحدوته وننام مبسوطين ومنشكحين جداً

لاء و الله يا احمد
انت كده لو بتتكلم يبقى عن الاعلام اللى هو الخاص
اما بقى بتاع عمو انس
فلسه بيقول و عشان كده احنا اخترناه
و اساسا وقت البرامج السياسيه فيه قليل جدااا لا يكاد يذكر
و الله انا فاكره برنامج كده سمعت منه حلقه مش فاكره اسمه
المهم ده كان كل حياته الرؤساء اللى فاتوا
السادات عبد الناصر
و لا سمعتله كلمه عن بابا حسنى

اما عن البرامج التانيه السياسيه اللى هى على القنوات الخاصه
فبطبيعه الحال يعنى مش الناس كلها بتفهم فى السياسه
فطبيعى انها بتحتاج لحد يقول حصل كيت و كيت
امممممممم
اللى عايزه اوصله انه مش غلط ان واحد بس اللى يطلع يتكلم و الناس تصقفله
الغلط انه و هما يقفوا على حد الكلام

-------------------------------------------------------------------------------------------------
بالنسبة للبرامج الحوارية ياااه لذيذ عبقري البرامج الحوارية مفيد فوزي اللي أصلا معوق في الكلام وطريقته ولا تشد ولا أي زفت استغفر الله الواحد والله بياخد ذنوب لما بيتفرج ع الشخصيات الزبالة دي مش فاهم انا واخد مساحة علي ايه ولا أدب ولا دين ولا أخلاق ربنا يرحمنا ولا بيفيد المجتمع بأي حاجة .. قال حديد السفينه قال " حديث المدينة "

هههههههههههههه
بهدلت الراجل حرام عليك
مش تنسى تقول كفاره المجلس طيب
المهم بردو بتتكلم على عمونا انس تانى
لو جينا مثلا لحاجه زى العاشره مساءاً او القاهره اليوم مع انى مش بحبه البتاع ده
يعنى تقدر تقول انهم بيحترموا تفكيرنا اللى حد ما
و عايزين يعملوا حاجه
و ده شئ اساسا نادر ان الواحد يشوفه دلوقتى و يستحق التشجيع

-------------------------------------------------------------------------------------------------
ياسلام ع الإعلام الديني .. منهم اللي بيتكلم في نطاق ندخل برجلنا اليمين ولا رجلنا الشمال .. ونطاق تاني غرضه سبوبه وبس وعمال علي بطال يتكلم في أييييييييييييييي حاجة غير النظام الحاكم .. والجبة الباقيين بيعمل كل حاجة ف الدين او تلت ارباع اللي ف الدين إلا انك ساعة ما تقوله الجهاد في سبيل الله ( داخلي وخارجي ) تلاقيه بيقولك انت كافر واطيعوا الله واطيعوا الرسول وأولي الأمر منكم
:D
هههههههههههههه ياسبوبجيه يا ولاد الإيه والمصيبه انهم واخدين قطاع كبير من الناس اصحاب القلوب النضيفه والله لان الدين أسهل طريقة ممكن الإنسان يوصل بيها لقلوب الناس ( طريقة نابليون )

امممممممم
حاسه و الله اعلم انك بتتكلم على فكر واحد اللى هو الفكر السياسى الدينى
او بمعنى اصح الاخوان المسلمين
و انا بجد معاك فى حته الجهاد و كل حاجه
بس بالمنطق دلوقتى
هل احنا حنقدر او وضع البلد و الحال العام كساسه او حكومه او نظام بوجه عام
هل اللى حيقول يا جهاد حيبات فى بيتهم
طبعا لاء و الف لاء

يبقى ايه الحل المنطقى الوحيد
نرجع للدين و لو حتى لبعضه يبقى كويس اوى اوى
مجرد الحركه الاسلاميه للتوعيه اللى مش بتهدف لاى اهداف سياسيه
و ده تقريبا اللى بنشوفه على قنوات كتير
زى الناس و بحبها رغم الهجوم اللى عليها و بردو الرحمه و قناه عفاسى دى اللى بعشقها
و اعتقد انى سمعت ان هو ده الاتجاه اللى متاخد فى تركيا
و يعتبر اكبر حركه تعليميه و تنميه هى الحركه الاسلاميه هناك

فاللى بتكلم عليه ان حاليا و فى الظروف الحاليه الاحسن اننا ننضف اللى جوه الاول
و بعد كده الشعب نفسه حينضف اللى فوق

-------------------------------------------------------------------------------------------------
الإعلام الرياضي
ههههههههههههه والله ما يستحق اني اتكلم عليه عالم هايفه والله عمالين نتكلم في ازمة ماليه واستراتيجيات تفكير وقوانين دولية وحقوق إنسان وهما لسه بيقولوا يااااه الجون ده حلو وفيه فكرة وعمالين يحاربوا ويشتموا في بعض علي أساس ان الكورة هيا اللي هتصلح البلد وهتقيم نهضه حضارية رائعة لا حول ولا قوة إلا بالله ربنا ينتقم من كل هايف والله عشان ضغطي بيعلي كل ما اشوف شحط كبير كدا بيتكلم في حاجات ولا بتفيد ولا اي زفت وواخدله ساعتين تلاته علي الشاشه يتكلم في اللي ملهوش لزمه ف الحياة

ههههههههههههه
طبيعى مليش انا فى الحاجات تى
بس ساعات بابا بيجبرنى اسمع شوبير
ياااااااه بحس بكميه ذكاء فظيعه
موافقاك فى كل كلمه فى الحكايه دى

-------------------------------------------------------------------------------------------------

بالنسبة للأفلام ياسلاااااااام كل الأفلام بتصب في مصب واحد وهوا ان الريس ده جميل والحكومة دي زفت وبتوع مجلس الشعب بس هما اللي وحشين وشياطين الله في الأرض وقال الريس ده ياعيني قاعد يفكر ويخطط طول النهار والليل ازاي يخلي الشعب مبسوط يجبله بلالين ولا يصرف مورجيحه لكل مواطن مع التموين والحكومة الكافرة الداعرة المارقة المفندشه المعلونه في الأرض وفي السماء هيا اللي بتعمل كل الكلام الوحش ده من ورا الريس والريس ياعيني عايش في بنجلاديش ميعرفش حاجة والمصب التاني اننا نضحك وبس ومنستفدش اي حاجة ف الحياة ويحطلك كلمة واحدة - والمشكلة انها تبقي هايفه -بس تلاقي الممثل لزق وشه في الكاميرا الأماميه وبقي مالي القدر ولسانه وسنانه لازقين في العدسه وعمال يقول الجملة بالبطئ " الحب لا يُكيل بلقلقاس " أن أن تاااااخ وبكدا تبقي حكمة الفيلم أما المصب التالت يقولك انا بنقل الواقع .. تنقل واقع ايه ياغشاش بص في واقعك قال يعني انت اللي قاعد تتعبد في المساجد وانت سيدنا يوسف يعني .. سواء كان خالد يوسف ( مع ان الراجل مشكور كان متوسطلي في حكاية كدا والله ) :D او كان يوسف شاهين الله يجازيه

ههههههههههههههه
اكيد اكيد
انا بجد بجد بجد
نفسى فى فيلم عربى وحيد يوحد ربنا مش فيه قصه حب
بجد قعدت مره افتكر فى واحد
مش لقيت غير بتاع الخلفاء الراشدين القديم ده اوى
حتى الشيماء حرفوا القصه و خلوها بتغنى و حاجات عجيبه اساسا
و احلى حاجه سمعت ف برنامج واحد متصل بيقولك الاغانى طبعا مش حرام
المذيع ساله ليه
قاله هو مش الشيماء كانت بتغنى
ربنا يهدى بجد

اما بقى عن الافلام الساسيه الفظيعه بتاعتنا
بجد هبل
مجموعه من الافيهات انا شاكه اساسا انها ليها علاقه ببعضها و بتدور حوالين تجميل النظام
فقط

و تلاقى ناس كتير فى الاخر مقتنعين بنفس الحكايه
و يقولك البطانه الفاسده و البطانيه السوده و حاجات عجيبه

ولما حبوا يعملوا فيلم عن الفتنه الطائفيه
راحوا بوظوا الدنيا اساسا
خلوا الست اول ما عرفوا انهم مسيحين راحت لبست نقاب
و البنت لبست الحجاب
على اساس انه مش كان مفروض عليهم قبليها
و الله عالم غريبه اوى
انا الفيلم كله قاعده اضحك اساسا

-------------------------------------------------------------------------------------------------
بالنسبة للمسلسلات اجمل حاجة انهم عمالين يضيعوا في عمر الناس وخلاص والناس تقعد تتفرج ع المسلسل ومشدودة ولا كأن واحد بيقول ياجماعة دي رسالة إلهيه باعتهالكم ربنا من خلال المسلسل .. لاء ويخلي الناس تعيط وهوا قاعد يشرب ويسكر ويفرفش والناس قاعدة ياعيني تعيط وتقول ياحول الله ده ماما نونا ماتت

ههههههههههههه
لاء فى المسلسلات حدث و لا حرج
بس صراحه و الله الناس بتصعب عليا
يعنى ناويين يضيعوا وقتهم و خلاص قرروا
يروحوا يضيعوها فى حاجه تتشاف اساسا
يعنى بتاع الملك فاروق ده كان ممكن يتسمع يعنى
اما الحاجات العجيبه التانيه دى و الله الواحد ما عارف يقول عنها ايه
على رايك
ماما نونا ماتت
بس هى مين نونا تى

-------------------------------------------------------------------------------------------------
بالنسبة للأغاني يااه عبقرية فعلا أي عيل ماشي في الشارع ومثلا صوّت ولا هرش في ودنه او اتخبط وقال آي بمياصه شوية يبقي فنان خلاص .. والله العظيم ببقي عايز - اسف في التعبير - أقلع الجزمة واضرب التلفزيون من المناظر المقرفة اللي بشوفها

ههههههههههه
اغانى شعبيه بقى
مش بتحترم انت الفن الجميل

-------------------------------------------------------------------------------------------------
م الآخر الأعلام هو الاحتلال بتاع البلد ويوم ما هنتخلص من الإعلام البلد دي هتتقدم لان الإعلام اقوي من التعليم واقوي من كمل شئ في البلد الإعلام هو وسيلة التغيير .. وبالرغم من ان شغلي مفروض انه مرتبط ارتباط وثيق بالإعلام إلا اني دايما ببصله نظرة احتقار لكن هتعمل ايه هوا اللي شغال ف البلد

امممممممممم
هو الى حد ما كلامك صح
بس للاسف كل اللى بيشتغل هناك
مفاهيمه اساسا غلط
و شغله فى الغلط
و نتيجته غلط

و مش حينفع معاهم نصيحه و لا دراسات و لا اى حاجه
دول عايزين قنبله نوويه


يلا بس كفايه كده عشان انا كتبت اكتر من الرد اساسا
يلا فدايا فدايا


فى رعايه الله