23-04-2009, 03:36 PM
|
|
طالب جامعي ( طب القاهرة )
|
|
تاريخ التسجيل: Sep 2008
العمر: 32
المشاركات: 1,313
معدل تقييم المستوى: 18
|
|
ها .. اخدت القرار و لا لسة !!
اهلا بكل من دخل موضوعي
ازيكم .. عاملين ايه
ندخل في الموضوع
طبعا احنا في شهر ابريل
و الحاجة الوحيدة المشتركة في القنوات في شهر مارس و ابريل
هي اعلانات الضرايب
خد القرار و قدم الاقرار
اعرف مصلحتك
و غيره الكتير و الكتير من الشعارات الطويلة العريضة اللي احتلت التليفزيون
و كله كوم بقي و الشعار الاخير -- لو مادفعتش هيبقي في سجن و كتاكيت --
معلش نفسي اعرف ايه اللي دخل الكتاكيت في الموضوع .. او انا سمعت غلط 
ببساطة تهديد ع الهوا 
كويس اوي
طيب هو الموضوع ده هيفيد ؟؟
يعني اللي هيتفرج ع الاعلان قلبه هيحن مثلا و يقدم اقراره ؟؟
طيب ناخد مثال : امريكا
الضرايب هناك ضعف مصر -- بين 35 لغاية 80 في المية من الدخل
طبعا لو حاجة زي كدة في مصر هيحصل انقلاب تاني يوم
بس تلاقي ان الواحد فيهم بيدفع علي طول
من غير اعلانات و لا يافطة في الشارع و لا غيره
ببساطة السبب انه عارف انها هترجعله في المجتمع اللي حواليه ( مش هتاكلها القطة زي حالاتنا )
عمره ما هيسأل هي الفلوس راحت فين ؟؟
و لا مين اللي خدها ؟؟
طيب خدوا كام ؟؟ و فاضل كام ؟؟
و يبقي الوضع كما هو عليه
و يبقي اعلانات الضرايب .. و لا في حد بيسأل .. واللي يدفع يدفع و اللي مايدفع ما يدفعش 
و سؤال الحلقة .. اقصد سؤال الموضوع 
تفتكر الاعلانات دي و بالشكل ده
هتخدم بأي شكل في توعية المصريين ؟؟
تحياتي
|