[محمد.فوكس]

شوف يا ريس انا شايف انك هاجم على الفراعنة بشكل غريب .. في الوقت اللي بنفتخر بيهم قدام العالم.
اولا موضوع رمسيس التاني او فرعون في قصة سيدنا موسى...طبعا ده معروف ان ده مش تحنيط ده ..اللي حصل زي ما انت قولت ان ربنا خلاه عبرة.
و بعدين مش معقول كل العلماء اللي بيتكلموا عن التحنيط دو مش فاهمين حاجة..يعني لو البريطانيين عايزين يخفوا الحقيقة الموجودة في القرآن .. كانو ممكن يقولو "ماهو القرآن نزل بعد ما القصة دي حصلت بفترة كبير يبقى اللي ألف القرآن كتبها فيه ايه يعني" و العياذ بالله طبعا.
و بعدين انت بتقول ليه مطلعوش القمر .. ارد عليك و اقولك طيب احنا دلوقتي طلعنا القمر و عندنا وسائل اتصال شبيه بالسحر طبعا الواحد مكانش يصدقها..تقدر تقولي ليه المهندسين الفرنسيين لسه مقدروش يعملو هرم زي بتاع الفراعنة و هم عمالين يحاولو؟
هو عشان نثبت انهم بيحنطوا يبقى لازم يكونو طلعوا القمر؟؟
زي ما قالك الاخ اللي رد عليك ..اشمعنى جثث الملوك بس هي اللي متحنطة؟
و موضوع انهم كانو بيموتو من امراض تافهه و الرئة المتهتكة و الملابس البالية..برضه اقولك على موضوع المهندسين الفرنسيين و غيرهم.
مفيش حد بيكتشف علم من اوله لاخره .. كلها خطوات يعني اللي الادوية و العمليات و كل العلوم الطبية مش كلها جت مرة واحدة.
و بعدين بتدعي عليهم باللعنة ليه .. عايز افهم بقى ليه ؟
الحقيقة انا شايف انك بتهاجم لمجرد الهجوم .. مع انك مكتوب تحت اسمك انك طالب بكلية الاداب يعني المفروض تكون من اكتر الناس تقديرا للحضارة دي.انا طالب بكلية العلوم و رغم اني مش في تخصص البيولوجيا لكني متأكد ان مدام في علماء كتير اتكلموا عن التحنيط يبقى ده حقيقة او ان دي ابحاث ليهم مش كلام و خلاص.
و بعدين الكلام اللي انت بتقولو ده و اللي زيه .. هو اللي بيدي انطباع عن المسلمين انهم ضد العلم و تشغيل العقل.. لما واحد يتكلم مثلا عن النيازك و ان الضوء و الشرارة اللي بتحصل في السما ناتجة عن اختراق النيزك للغلاف الجوي و تعرضه لضغط اكبر بكتير من الي كان فيه .. يجي حد يقولك لا ده مواضيع ليها علاقة بالجن و بتاع .. احنا بندي صورة و حشة اوي عن نفسنا .. مع اننا عندنا علماء شاركو باكتر من 50% في كل العلوم اللي غيرت مسار التاريخ.