اخيرا رجعت يبنى فين النشرات دى من زمان
:::::::::::::::::::::
ومعنا على الهواء مباشرة الادارى محمود طه المسئول عن قسم اقتراحات
المراسل :استاذ محمود ايه راى حضرتك فى الكلام ده
اقتباس:
وتتوالي موضة المنتدي في 2009 فقد بيع قسم اقتراحات من غير حلول الي احدي
شركات المقبلات والتي تنتج ((الطرشي )) نظرا لشهرة هذا القسم في المنتدي بكامله
لان موضوعاته ((بتخلل)) وفيها شئ من ((لفت)) النظر الي المصلحه العامه للمنتدي
|
محمود طه: الخبر دا كاذب يا سعادة الباشا
القسم دا متبعش لانه مال عام ولسة محصللوش خصخصة كان قبل كدا معمولله خصخصة بس تم الانتهاء منها وبقا القسم ملك لكل الشعب يحطو فيه مواضيع ومخالفات ولو تعبو فجأة بيريحو فيه ساعتين
والقسم مريح جدا مزود ببطاطين زائد اتنين خدادية والقطن طويل التيلة يافندم
وغير بقا التكييف اللى فيه والناس واخدة راحتها
اما بخصوص الحاجات الى بتخلل فسببها ان الحكومة العليا مش موفرالنا صلاحيات علشان الحاجات دى متخللش
بس الطرشى غلاب يا باشا
قولتلهم نبيعه لفكهانى وهيخلى العيشة كوكتيل قالو لا
فنا من هنا
وعلى الهواء مباشرة بناشد الاخوة المسئولين بتوفير الصلاحيات علشان الحاجات دى متخللش
وان دا محصلش فنا هقدم شكوى لنقابة الطرشجية
وهستعين بنقابة الطعمجية لان مجال العمل واحد
وهيكون شعارنا فى المرحلة اللى جاية
سيبك م الطرشى يافندم
سيبك م الطرشى يابيه
الطرشى معدش مخلل
ذنب الشعب دا ايه
توت توت توت توت
المراسل : ناسف على انقطاع الاتصال سوف نعاود الاتصال بيه مرة تانية ان كان لينا عمر