[..Just Stop]

سلام عليكم
.
ازى حضراتكم يارب تكونو بخير
.
باختصار شديد هنتكلم فى حاجة منتشرة جدا بيننا اليومين دول
وطبعا الموضوع باين من عنوانه
.

طبعا الكل فهم انا قصدى على ايه
الرشوة يا جماعة

قال (ص) يقول الله - تعالى -: "سماعون للكذب أكّالون للسحت

".
قال ابن مسعود: السحت: الرشا.
.
طبعا فى حاجة جميلة جدا بنعملها لكسر الحواجز ,للسرعة فى الاداء
الحاجةدى منتشرة بين موظفين الحكومة الشطار
.
طبعا اى حد رايح اى مصلحة حكومية لازم يحط ايده فى جيبه
ومش هيحطها طبعا علشان الجو برد
بيحط ايده علشان يطلع معاها ما يسمى بالأبيج
.

.
دايما تلاقى الناس بترشى الموظفين علشان مصالحهم تمشى
لو عايز تجيب عيش بدل ماتقف فى طابور الصباح كل الحكاية خمسين قرش او جنيه ويكون العيش فى ايد سعادتك
.
عايز تخلص ورق خمسة جنيه تلاقى الموظف قام من على الكرسى ويختملك الورقة خمس مرات وواحدة زيادة من عنده
.
ميعرفش انه كدا بيقبل السحت
عن ابن مسعود قال: السحت أن يقضي الرجل لأخيه حاجة فيهدي إليه هدية فيقبلها.
.
انما بقا لو ماتبعتش عنوان الموضوع
تلاقيه يقوللك اطلع الدور الرابع هات كذا
تطلع وبعدين تجيله يقوللك الدور الاول انزل امضيلى الورقة دى
وبعد ما تفضل طالع نازل خمس مرات يقوللك فوت علينا بكره النهاردة شطبنا
.
كل كلامى دلوقت هى الحاجات دى متنفعش من غير رشوة؟؟؟
.
ليه كل تعملاتنا بقت كده
ليه لازم نحط اينا فى جيبنا وخمسة لده وعشرة لده
.
دحنا حتى مبنفكرش ان الحاجات دى حرام
.
ليه دايما نلاقى الموظفين دول يقبلو الرشوة مع انهم مبيعملوش غير شغلهم وبيقبضو عليه راتب ( حتى ولو كان صغير بس هما وافقو عليه )
.
مع انى متأكد ان لو مرتباتهم زادت هيقوللك زيادة الخير خيرين ويبقا معانا راتب ورشوة يومية
.
وحنا بردو لسة مصممين نمشى مصالحنا بالرشوة
لازم نعمل حاجة حرام علشان المصلحة تمشى
.
وفى الاخر مش هلوم الموظفين دول
هلوم اللى سمحولهم يعملو كدا اللى هما احنا
احنا اللى ادينالهم الفرصة يعملو فينا كده
.
طبعا انا عارف انى متكلمتش عن الموضوع ده من كافة الجوانب
بس حبيت ان حضراتكم تناقشوه معايا
.
ومش هلاقى حاجة اختم بيها موضوعى غير
لعن الله الراشي والمرتشي

دمتم فى رعاية الله