اقتباس:
المشاركة الأصلية كتبت بواسطة bosy .. Mostafa
بسم الله الرحمن الرحيم
السلام عليكم
عليكم السلام
ازيكم يا اخواننا؟ وحشتوني كتيييييييييييييييييير
تومام تومام الحمد لله
و ايه اخباركم و و اخبار مذاكرتكم و شغلكم؟ و اخبار انفلونزا الخنازير اللي انتشرت دي؟
بقالي كتير اوي مش بكتب مواضيع ولا مشاركات من اساسه .. بس اهو قولت ادخل اشقر عليكم قبل الاحتجاز الرسمي للامتحانات 
نهايته
==
الموضوع ده جايز يكون فيه ناس كتير اتكلموا قبلي فيه بس انا مخنوقه من الموضوع ده و عايزه اتكلم فيه
ياساتر يارب 
من كام يوم كنت بقرأ الجرنال بتاع يوم السبت تحديدا باب رسائل خاصه جدا
و كان فيه بنت في العشرينات كانت باعته مشكله و بتقول انها عندهم العادات بتاعة البت محجوزه لابن عمها و الواد محجوز لبنت خاله و بتاع
لسة الكلام دة موجود ؟؟
بصراحة سورى يعنى عادات متخلفة
و بتقول ان هي اتعرفت على شاب في الجامعه و كان مناسب ليها اوي و بعد ما اتخرج جه اتقدم لها كذا مره و ابوها رفض عشان مش لازم تطلع بره العيله .. !!
مع ان الشاب من حقه يطلع بره العيله !!
بصراحة هيا غلطانة فى الاول
اكيد هيا مش اول واحدة فى العيلة تتجوز وعارفة العادات المتخلفة الى ماشية هناك يبقى مكنش ينفع تتعلق بالشاب دة او تعلقة هوة بيها يبقى كدة دىاول غلطة عليها تانى غلطة لية اصلا فى البداية مقالتش لاهلها علية انها بتحب واحد وهوة بيحبها ومستعد يتقدم ليها وكدة بس لما يخلص يبقى الموضوع فى النور يعنى على الاقل كانت عرفت رد الفعل من الاول
فاهمانى حضرتك ؟
==
ده مجرد نموذج من النماذج اللي بنشوفها و بجد حاجه غريبه
بستغرب انا اوي -و ببقى متعاظه في نفس ذات الوقت- من الاب اللي مش يرضى يخلي ابنه يتجوز واحده من بره العيله (بيحافظ على النسل باين كده) و ممكن يكون الولد مش متقبل البنت اللي اختارهاله دي و برضو نفس الموقف مع البنت (ازااااااي تطلع بره العيله .. انت بتهزر ولا ايه)
و برضو الام اللي لازم ابنها يتجوز من عيلتها ( مش مهم عيلة ابوه ولا مهم الولد حتى ) .. طبعا طبعا ابني لازم يتجوز بنت اخويا .. انت عايز تقطع رجل اخوها الوحيد من البيت ! لا يا راجل مايصحش !!
و تلاقي الولد مش عايز البنت دي .. او مش مناسبه له او مش بيحبها و بيحب واحده تانيه .. و للأسف بيروح هو ضحية كل ده و البنت نفس الكلام و اغلب الزيجات دي بتنتهي بالفشل
بحس ان الولد و البنت بيوافقوا (تقضية واجب)
بالظبط كدة
طيب ليه كده يعني يا جماعه الأذى ده .. هي العادات دي هتفضل منتشره في مجتمعنا لحد امتى ؟!
ماشي ان الواحد يتجوز من جوه العيله كويس اهو معروف .. بس مش قاعده و مش ضروري و مش شرط يكون اللي جوه العيله احسن من اللي بره ..
ممكن يكون العكس محدش عارف
ثم انه مافيش حد كامل بنسبة 100%
مين قالك كدة
دا والله انا اعرف واحد قال لولادة ابعدو عن جواز القرايب مبيجيش من وراة غير القرف 
بالعكس ممكن قريبتة دى تكون  الله اعلم
اما الى انا حبيتها دى انا عارفها كويس
حبيتها عشان محترمة عشان معجب بيها عشان بتحبنى .... الخ
يبقى انهى الاصح ؟
و على فكره الكلام ده مش في الصعيد و بس لا ده في كل حته .. عادي جدا !!
انا هتكلم عن بلدى وعن نفسى وعن اصحابى
انا من المنصورة مفيش اى كلام وعادات من دى ابداا
هحكي لحضرتك موقف
كنت بكلم مرة مع واحد صاحبى فى الموضوع دة فبقولة لو ابوك قالك تتجوز بنت عمك وتسيب الى بتحبها تعمل اية
ردة بكل سهولة هوة ابويا مالة ؟؟ هوة الى هيتجوز ولا انا
قولت لة ولو اتحكم وكبر دماغة قالى بكل سهولة هتجوزها من وراة واحطة قدام الامر الواقع فاكيد العادات دى متنفعش ابدا لا فى المنصورة ولا القاهرة
بجد جميل جدا ان البنت تتحجز لابن عمها و الولد يتحجز لبنت خاله ..
و ده على اساس انهم عربيه ولا سويت في فندق !!
امال فين اتباعهم لكلام الرسول صلى الله عليه و سلم - فيما معناه لاني مش حافظه الحديث- (اذا جاءكم من ترضون دينه فزوجوه)
خلاص بعد كده اي واحد قبل ما يحب حد يسأل الاول هي محجوزه ولا لأ
اسفه للإطاله
و اتمنى يكون الموضوع عجبكم 
|
انا قولت راى محتمل الصواب والخطا
شكرا جزيلا لحضرتك على الموضوع
جزاكى الله خيرا
فى رعاية الله