[سـهيـلـة]

المشاركة الأصلية كتبت بواسطة mahmoud_taha

سلام عليكم
وعليكم السلام ورحمة الله وبركاته

.
ازى حضراتكم يارب تكونو بخير
الحمد لله كويسين وتمام التمام
.
باختصار شديد هنتكلم فى حاجة منتشرة جدا بيننا اليومين دول
وطبعا الموضوع باين من عنوانه
اول ما قريت العنوان الصراحة مفهمتش
.

طبعا الكل فهم انا قصدى على ايه
الرشوة يا جماعة
دلوقتى فهمت بقى
".
قال ابن مسعود: السحت: الرشا.
.
طبعا فى حاجة جميلة جدا بنعملها لكسر الحواجز ,للسرعة فى الاداء
الحاجةدى منتشرة بين موظفين الحكومة الشطار
.
طبعا اى حد رايح اى مصلحة حكومية لازم يحط ايده فى جيبه
بس الصراحة دلوقتى مش ف المصالح الحكومية بس
ومش هيحطها طبعا علشان الجو برد
فعلا الصيف جه خلاص
بيحط ايده علشان يطلع معاها ما يسمى (بالأبيج)
مش فاهمة معنى الكلمة
.

.
دايما تلاقى الناس بترشى الموظفين علشان مصالحهم تمشى
لو عايز تجيب عيش بدل ماتقف فى طابور الصباح كل الحكاية خمسين قرش او جنيه ويكون العيش فى ايد سعادتك
احنا والله بنجيب الجنية بجنيه يعنى الضعف
.
عايز تخلص ورق خمسة جنيه تلاقى الموظف قام من على الكرسى ويختملك الورقة خمس مرات وواحدة زيادة من عنده
.
ميعرفش انه كدا بيقبل السحت
عن ابن مسعود قال: السحت أن يقضي الرجل لأخيه حاجة فيهدي إليه هدية فيقبلها.
عندى موقفين اقولهم الاول :
انا كانت خالتى رايحة تكشف عند الدكتور واداها ميعاد بعد شهرين تخيلوا بس هى كانت تعبانة قامت مطلعة 20 جنيه مدياهم للبسكريتيرة دخلتها علطول تخيلوا
وبرضه المعلمة بتاعتى رايحة تكشف عند الدكتور اداها ميعاد بعد 7 شهور جابت واسطة ودخلت تانى يوم
يعنى مش المصالح الحكومية بس
.
انما بقا لو ماتبعتش عنوان الموضوع
تلاقيه يقوللك اطلع الدور الرابع هات كذا
تطلع وبعدين تجيله يقوللك الدور الاول انزل امضيلى الورقة دى
وبعد ما تفضل طالع نازل خمس مرات يقوللك فوت علينا بكره النهاردة شطبنا
.
كل كلامى دلوقت هى الحاجات دى متنفعش من غير رشوة؟؟؟
حاليا مبقاش ينفع
.
ليه كل تعملاتنا بقت كده
ليه لازم نحط اينا فى جيبنا وخمسة لده وعشرة لده
فعلا والله حاجة تضايق بس طالما الحاجة ديه مش بتمشى غير كده يبقى احنا مضطرين
.
دحنا حتى مبنفكرش ان الحاجات دى حرام
.
ليه دايما نلاقى الموظفين دول يقبلو الرشوة مع انهم مبيعملوش غير شغلهم وبيقبضو عليه راتب ( حتى ولو كان صغير بس هما وافقو عليه )
.
مع انى متأكد ان لو مرتباتهم زادت هيقوللك زيادة الخير خيرين ويبقا معانا راتب ورشوة يومية
اى انسان طماع يبقى معاه العشرة عايز عشرين واللى معاه عشرين عايز ميه وهكذا
.
وحنا بردو لسة مصممين نمشى مصالحنا بالرشوة
لازم نعمل حاجة حرام علشان المصلحة تمشى
طيب حد عنده حل ان الحاجة تمشى غير كده
.
وفى الاخر مش هلوم الموظفين دول
هلوم اللى سمحولهم يعملو كدا اللى هما احنا
احنا اللى ادينالهم الفرصة يعملو فينا كده
اكيد بس هو ده الحل الوحيد
.
طبعا انا عارف انى متكلمتش عن الموضوع ده من كافة الجوانب
بس حبيت ان حضراتكم تناقشوه معايا
.
ومش هلاقى حاجة اختم بيها موضوعى غير
لعن الله الراشي والمرتشي

دمتم فى رعاية الله

موضوعك بجد راااااااائع وفعلا والله فيه حاجات الواحد بيقع فيها وهو مش حاسس زى موضوع الرشوة بس هنقول ايه بس غير لا حول ولا قوة الا بالله
انا ملقتش لون اكتب بيه احتليت الالوان كلها