كلام وماشى فى البلد
واحد بيكتب كلمتين .. وتانى يرد بكلمتين
وتالت ياعينى كل اللي فهمه يادوب سطرين
متقولش عيب يا عم صلى على النبي
معدتش فارقه إن كنت عربي أو كنت حتى أجنبي
ما هو الكلام زي السكات ونظرة ياسيدى يامهلبى
مولد وصحبه مات لما ماتت الكلمات
قالوا فى الكلام تعالوا نكون عاقلين
ونسوا النار جنب البنزين
مات الحيا فى القلب يا مؤمنين
فيه ناس تهمس بفهم ومعلمه
وناس من غير إحساس واخدنها فهلوه
فيه ناس تسمع كلامها تعلمك
وناس تسمع كلامك تتعلم منك
وناس تشوف كلامها تحزنك
.
.
.
أنا بقول كفاية .....
|