[**تسابيح**]

بصراحة أنا لحد امبارح الصبح كنت بسمع الكلام دا وقول يمكن لكن مش كنت مصدقاه مليون في الميه
بس لقيت واحدة صاحبتي بتقول لي : متقدمي عريس
رحت متريقه عليها طبعا وانا بموت في التريقه والذي منه
قلت لها : دا بقي اتفطم ولا لسه وياتري كتب الكتاب امته لازم تعزميني بقي؟؟

وبعدين قالت لي:والله مش بهزر
بقيت مصدمة بجد ومش قادرة امسك نفسي من الضحك
بس بعد كدا بقيت اسئلها وانا مستغربه فعلا
أنا : هو فين دا ؟؟ واد ايه؟؟
صاحبتي: ابن عمتي وواخذ بلوم صناعه
انا : نعم
صاحبتي :شفت القرف اخرت الثانوية العامة دبلوم صناعه وياريه اخده ع طول دا اخذ السنه بسنتين
انا : وانت موافقه ؟؟
صاحبتي : اكيد لا
أنا : امال ايه المشكلة
صاحبتي : بابا عايزني اتجوز واحد من الثلاثه دول (ابن عمي /ابن عمتي /ابن خالي)ومش اقدر اقول "لا" لان في العيله بيعتبروا اللي يقول "لا"
قليل الادب ومش متربي ولما قلت لبابا انه دبلوم وانا هدخل كليه ازاي نتجوز
قال لي ان الانسان مش بشهادته الانسان بفلوسه وما هو ناس كثير واخذه شهادات وقاعده ع القهوة
وقلت له تاني ان هو هيقعدني في مكان ريفي وهبقي بعيد عندك قال لي ان الولد دا اصلا مش ليه شخصية وانتي اللي هتمشيه ع ايدك ولو حد كلمك اانا ليه حكم عليه وبعدين خالو جيه امبارح وقال لي ايه رايك "بابا" طبعا قال لي اياكي ترفضي ولازم تقول له اللي بابا شيفه
احنا معندناش الكلام دا من الاخر بابا شخصيه ديكتاتوريه ومش عودني قبل دا اني اقول راي وحتي دلوقتي مقدرش اقول راي

وبعدين قلتها : بس جواز القرايب بيجيب النصايب
قالت : قلته وانا عارفه اصلا اخته متجوزه قريبها وعندهم ولد معوق قال انه مش شرط وبعدين الحاجات دي بتاعه ربنا
قلتها : مامتك موافقة؟؟
قالت:: لا مش موافقه ورأيها مش ليه ايه لزمه ومش مش هيأخذ بيه وهي قلته بس هو قالها اسكتي بلاش فضايح انا ادري بمصلحتها وانا اديت كلمه للناس
وبعدين هو عايز يربطني جنبه عشان عايزة اروح كليه بره المنوفيه
عشان مش اجيب واحد من بره وكدا معندناش حد يتجوز بره العيله
أنا :ما تبلغي عن ابوكي البوليس وتريحي نفسك
صاحبتي : ههههههههههه هو ينفع؟؟بجد لازم تقول لي حاجة مقنعه اقنعه بيها انا تعبت ومش عارفه اذاكر من الموضوع دا
تفتكري يابوسي ابوها دا عايزه حاجة مقنعه كل اللي همه ان مش يخرجها بره العيله وانا كمان مش عارفه اساعدها زمش قادره اقولها حاجة
بس بجد حاجات رهيب جدا
انا حاسه اننا في عصر ما قبل الاسرات
ربنا يهدي الاهل دول (اللي بيجوزوا اولادهم غصب عنهم)
معلش رغيت كثير
شكرا ع الموضوع