اقتباس:
المشاركة الأصلية كتبت بواسطة شريف الخضري
السلام عليكم ورحمة الله وبركاته
ازيك يا اخت مني اخبار المذاكرة ايه ؟
|
الحمد لله ماشية كويس
يا رب انت كمان تكون بخير والمذاكرة ماشية تمام
اقتباس:
المشاركة الأصلية كتبت بواسطة شريف الخضري
ندخل في الموضوع
مش عارف ليه مكبرين الموضوع اوي كده ليه ؟
عن نفسي داخل علم نفس مع رياضة و عارف ان الجدول كده
لانه كان كده السنة اللي فاتت
|
ممكن يكون الجدول مش حلو
والسنة اللى فاتت مكانش حلو
لكن بص للجانب المشرق ( خصوصا للى واخدين رياضة )
هاتقعد من يوم 29 / 6 لحد يوم 6 / 7 تذاكر مستوى رفيع وتربية وطنية
اكيد مش ده خالص
بس لما بيكون الوقت قليل
بنبقى متحمسين ننجز عشان نلحق نخلص
اما الوقت الطويل
بيخلينا ناخد راحتنا ونضيع وقت كتير
اقتباس:
المشاركة الأصلية كتبت بواسطة شريف الخضري
مشوفتش حد شاف الجدول و قال الحمد لله
او قدر الله ماشاء فعل
خلاص الحمد لله علي كل شي
يوم واحد تقدري تراجعي فيه المنهج كله
انتي مش بتذاكري المنهج من تاني
لا انتي مجرد انك بتراجعيه يعني بتفتكريه
|
اكيد الحمد لله على كل شئ
وفعلا معاك حق ان مهما كان الوقت صغير
المراجعة مش بتحتاج وقت كبير
لو مبنية على اساس صح ومذاكرة كويسة للمادة
هاتفتكر بمجرد انك تقرا تانى
حتى لو سايب المنهج بقالك شهور مش اسبوعين تلاتة
عشان كدة باقول دلوقتى ان قدامنا فرصة اخيرة
نظبط فيها مذاكرتنا ف المواد المضغوطة ف الجدول
عشان لما نيجى نراجع نفتكر بسهولة
ولو فضلنا حاطين ف دماغنا مش هانفتكر ومش هانلحق
القلق والخوف هايشغلنا ومش هايخلينا نعرف نتصرف صح
اقتباس:
المشاركة الأصلية كتبت بواسطة شريف الخضري
و علي فكرة لو جيتوا تبصوا بكل النواحي الجدول كويس اوي لكل الشعب
ماعدا طبعا رياضة بتوع علم نفس دول حالة شاذة
بس انا معاكي انه علي الاقل كان ساوي بين الادبي ورياضة وعلوم في الانجلش
ده علي الاقل في الانجلش بس
مش احنا يوم ونص و انتوا كام يوم
ده ظلم في الحتة دي اه لاننا بنمتحن عربي مع بعض وانجلش مع بعض بارده
|
معاك حق المواد بتاعة رياضة مضغوطة كلها ورا بعض
احتمال لو كان قبل الانجليش 4 ايام زينا كنتوا قسمتوا وراجعتوا اى حاجة معاه
لانى ناوية احاول اعمل كدة ف الجيولوجيا
بس ان شاء الله هاتعدى
زى ما بتعدى كل سنة
اقتباس:
المشاركة الأصلية كتبت بواسطة شريف الخضري
|
اقتباس:
المشاركة الأصلية كتبت بواسطة شريف الخضري
و بعدين انا عاوز اعرف حاجة
ربنا ممكن يسهل والامتحانات دي تيجي سهلة صح ؟
زي واحد صاحبي من اول مشاف الجدول و هو قاعد بيعيط
مع انه مش علمي رياضة لا ده علوم و علم نفس يعني احلي جدول فينا كلنا
و بيعيط علشان خايف من الامتحانات
شوفتي الهنا اللي احنا فيه ؟
|
ولو حتى الامتحانات جت صعبة
ما فيه برضو امتحانات جت صعبة السنة اللى فاتت
ومعظم الناس دخلت الكليات اللى عايزاها فعلا
ولو حد دخل كلية مكانش عايزها
ف ده عشان ربنا قدرله الخير هناك
وعشان ده احسن ليه
بجد الخوف الزايد ده مش كويس
ما هو لما نخاف مش هايفيد بحاجة
سواء كنا خايفين او قلقانين عاادى زى اى حد او مش هاممنا اصلا
هى هى الامتحانات اللى هاتيجى
وكل ما نقدر نتحكم ف اعصابنا
هانعرف نراجع كويس
ونحل كويس
اقتباس:
المشاركة الأصلية كتبت بواسطة شريف الخضري
و الله يا جماعة سبوها علي الله
و اعملوا اللي عليكوا و اللي ربنا كاتبهولكوا هتاخدوا
لا اكتر ولا اقل
و ربنا يوفقنا جميعا و ندخل الكليات اللي عاوزين ندخلها
وفقنا الله و اياكم الي ما يحبه ويرضاه
والسلام عليكم ورحمة الله وبركاته
في امان الله
|
اكيد اللى ربنا عايزه هايكون
آميين يا رب
وعليكم السلام ورحمة الله وبركاته
شكرا لمرورك وردك يا شريف
بالتوفيق ان شاء الله
ربنا معاك