[bosy .. mostafa]

بسم الله الرحمن الرحيم
بجد شكراً اوي يا جماعه للمرور
بس برضو يا محمد انا مش قصدي في الصعيد بس .. انا اديت مثل كنت قريته في الجرنال لكن ده موجود في كل حته و بجد تخلف من الدرجه الاولى مع احترامي

تار وكدا زى المسلسل اكتر حاجه بضحك عليها لما يقلدوا الصعايدا ولا لبسهم هههه الحقيقه نا مش عارف دا فين الصراحه كل دا انتهى دا ايام الملك فاروق يمكن مفيش عندنا كلمه محجوز دى وربنا يشهد انى والله من يوم ما اتولدت ما شفت الكلام دا خالص (((اسف طولت عليكم بس من زمان وانا عايز اتكلم فى موضوع الصعايد والافكار الغلط عنهم)))استودعكم الله الذى لاتضيع ودائعه ((لو اى حد عنده راى تانى يا ريت يكتبه))سلاااااام

يا سيدي يمكن في الصعيد الجواني و الحتت المنعزله جايز ليه لأ
بس انا ماجبتش سيرة تار ولا فار !

==

الفيزيا اكلت دماغك يا بوسى

لا يا بنتي مش الفيزيا و بس .. حاجه تانيه انتي عارفاها
شكراً لمرورك يا قمر

==

اساسا دلوقتى بيفضل عدم زواج الاقارب اطلاقا من الناحيه الجينيه

و اشمعنى بله مغولي بس
مافيه ذكر كلاينفلتر و انثى تيرنر عادي يعني
يا بنتي الناس اللي كده مافكروش في الناحيه العلميه خالص
و على فكره مش شرط اللي بيعمل كده يبقى جاهل او مش معاه مؤهل انا صاحبتي اللي اخوها محجوز ده (على اساس انه تلاجه) مامتها اللي حاجزاه لبنت خالها تبقى دكتوره و الحمد لله يعني كتر خير الدنيا
شوفتي اكتر من كده بقى
يعني اللي في الدماغ في الدماغ ماخسرناش حاجه !!

==

شفت القرف اخرت الثانوية العامة دبلوم صناعه وياريه اخده ع طول دا اخذ السنه بسنتين

طيب كانت بتدخل ثانويه عامه ليه من اساسه ولا ابوها بيدفع لها دروس ليه
اب غريب اوي معلش !

تفتكري يابوسي ابوها دا عايزه حاجة مقنعه كل اللي همه ان مش يخرجها بره العيله وانا كمان مش عارفه اساعدها زمش قادره اقولها حاجة

يمكن اللي جوه العيله ده ربنا اعلم بيه .. (بيلعب بديله كتير بقى)
نفسي الاب او الام اللي بيعمل كده يفهم ان شباب مصر مش فرمهم قطر ولا وقع عليهم نيزك و علق على قريبه ده
و برضو لو العكس الولد هو اللي محجوز ما يبقاش كل بنات مصر اضربوا بالرصاص و دي اللي فضلت منهم !
بيحسسوني ان الدنيا انتهت خلاص
ربنا يهدي

شكراً لمروركم الجميل ده