[wafa2y]

المشاركة الأصلية كتبت بواسطة JusT DreaM

السلام عليكم ورحمة الله وبركاته
و عليكم السلام
ازيكو ياجماعة
عاملين ايه ؟
الحمد لله (علي أساس إننا هنتصاحب وكدا )
قولو كويسين الواحد دماغه مش ناقصة
كنت عاوزة اكلمكم عن موضوع كده
جاتلي فكرته ف الموضوع الميت بتاع سري جدا
هو مش بقى ميت ناو الحمدلله
يرحمكم الله
والله ياجماعة متعرفوش الموضوع ده انا بحبه اد ايه
بجد منه حسيت حاجة غريبة اول مرة احسها ف المنتدى ده
اننا فعلا اخوات بجد والله
ده ايه الرغي ده
متقولي لنفسك
معلش ياجماعة اصلي بعمله اعلان
بحبه اعمل ايه
بي
المهم الرغي ده كله كان جملة اعتراضية من بعد جاتلي فكرته
لقيت الاخت ترافل السلام عليها
بتقول ان النت بالنوسبالها خيال !!
بجد ده أحسن وصف ربنا يباركلها
ياترى انتو النت بالنسبالكو ايه
؟؟
هقول تحت مش هنا
اولا انا لو هتكلم عن النت بصفه عامة
هو بالنسبالي عالم زي الحقيقي بالظبط
بس من غير قيود
..عالم بلا قيود..
ههههههههه
عجبتني الحتة دي
بس إنتي فاهماه غلط
يعني موجوده فيه كل حاجة ف العالم
ومفيش حاجة بتحكمك غير فكرك ومبادئك
والحاجة الي متقدرش تعملها ف الواقع دقدر بااي طريقة تحققها ف النت
اما بقى بالنسبة للناس اللي ف النت
بجد بجد انا عرفت ف النت ده بنات اغلى عندي من الناس الي ف الحقيقة بكتير والله
يعني النت مش خيال بالنسبالي
ده دنيا تانية
يعني عايشة ف دنيتين حياتي العادية ومع اخواتي اللي هنا
لو علي كلامك أنا ممكن أقول كدابة
تقوليلي ليه
أقولك هقول تحت
اكيد لازم الحياه العادية بيكون تركيزنا فيها اكتر
لان ظروفنا حكمت علينا التواجد فيها
إبتديتي تتكلمي بجد
بس احنا لو فارضين ان النت حاجة مش واقعية ومش حقيقية مكناش نبقى موجودين ناو مع بعض
صح ولا غلط
للأسف صوح الصوح

يلا بقى مستنية مناقشتكم
وتقولو النت بالنسبالكو ايه
تعالو نفضفض ...(سري جداا)
وده لينك سري جدا
ده إنتي تقريبا حطاه في البروفيل سري إيه بس و بتاع إيه (ال2 دول بتوعي)

المهم رأيي بقي في النت
إن النت ده أكبر وهم الواحد ممكن يفكر يعيش فيه
أدخل ألاقي ناس بتكلمني
لا أنا شايفهم و لا عارفهم
و لا حتي حاسس حاجة من كلامهم
كل اللي بيعملوه إن هما بيسرحوا بيا
مش بمعني الكلمة
أي حاجة أقولها يقولي أه و ماله هو ده الصح
ويروح لواحد تاني يقول هو الواد ده عبيط ولا إيه
كل ده بيحصل و أنا مدي الأمان
النت ده حتة مفيش فيها أمان
والناس اللي إتعلقوا بيه أمثالي فعلا إضحك عليهم
بيضيعوا وقتهم في تفاهات
واحد فاضي يكتب موضوع و ناس فاضية تخش تشجعوا
و لو موضوع مهم متلقيش فيه الجدية
علي النت ممكن تكون صدقات كتير
و ده مش مقياس إنك إجتماعي
علي النت ممكن يكون في ناس كتير بتحبك
و ده مش معناه إن إنك شخصية تتحب
أو تصرفاتها تخلي الناس تحبها
علي النت ممكن تقنع ناس كتير بأسلوب إنت عمرك
ما تقدر تقنع بيه واحد قدامك
يعني فاشل في التعامل
و في الأخر تبقي علي النت شخصية مثالية
و في الحقيقة 0 علي الشمال
و مش معني إنك علي النت عصبي
يبقي إنت عصبي
يعني من الأخر بتتعامل مع عرايس مسرح
أو شخصيات وهمية
مسألة الكدب
أولا أنا أسف لو كنت غلط بس ده أسلوب تشويق
و أنا بكرر أسفي قبل ما أقول أنا قولت كده ليه
أولا إنت بتقولي

يعني عايشة ف دنيتين حياتي العادية ومع اخواتي اللي هنا

أنا فعلا كنت بحسب في الأول إن كلمت
"المنتدي بيتك التاني"
"أخواك التانين"
مش صح
دي كانت شعارات أو ممكن عشان كانت تجربة جديدة
في حياة الواحد فكان مصدق
إنتي مافيش ليكي غير بيت واحد
و حياة واحدة
دي هي اللي تستحق إنك تحسبي نفسك عليها
مش علي الحياة التافهة التانية
اللي فعلا كلها خداع
و محدش يقول وده مين اللي مغقده في عيشته ده
أقولك لأ
أنا الحمد لله عندي الحاجات اللي تغنيني عن النت و عن المنتدي
أصحابي اللي بيحبوني
دراستي اللي هتنفعني
عبادتي اللي هدخلني الجنة(اللي من يوم ما دخلت المنتدي مقصر فيها)
بس كنت مخدوع مش أكتر
و ممكن تحسب من طريقة كلامي إني مضايق
بس أنا فعلا عادي خالص
و ممكن أكون عمال أضحك
يبقي صدقوني محدش يعتمد علي النت أبدا
If you think that you found your life on the internet.....donot blame anyone on the world only you (who accept).....THE END