بعتذر لك تاني يا ايمي
إني هاستخدم العضوية في غير محل استخدامها
أنا آسفة بجد
و سامحيني
ليه هي كانت معجون أسنان
ربنا يكرمك يا رب
أنا كنت عايزة كله يرد كده
بجد أنا تعبانة جداً
و محتاجة إنكم تلبوا لي طلبي
اقتباس:
المشاركة الأصلية كتبت بواسطة ell0rd
والله كنت حاسس ان كل دة هيحصل
وكنت مجهز ردى بردة 
السلام عليكم الاول كدة
اولا طلبك مرفوض تماما والكلام خلصان فى النقطة دى
ثانيا هحكيلكم الى حصل فية عضو مش فاكر اسم عضويتة اخ فاضل كل مشاركاتة ( مشكووووووووووووووور )
بصراحة هيا تضايق وبتضايقنى شخصيا
زى ما هيا بتضايق الكل
المهم الاخت مرمورة ردت على موضوعى ((( المسلمون المنسيون ))) بتقولة بلاش الرد كدة يعنى
وانا كمان رديت علية
وبعت للاخ رسالة بسبب المشاركات دى
وكان ردة انها مجرد تحفيز وما شابة
ودخل الاخ ضاف رد فى الموضوع بردة ولو لاحظتى بيقول للادارة العليا من فوقى يعنى
وعادى كبرى يامرمورة
ومن امتة اصلا واحنا بنطلب حذف العضوية بسبب رد ؟؟
على فكرة اخبرنا عن مخالفة مريح خالص
ومحمود مش لاقى شغل
هههههههههههههه
يلا فى رعاية الله
|
الحقيقة ده سبب من الأسباب
بس مش من العضو ده بالذات يعني
هو منه أه بس مش هو لوحده
مش عارفة ليه حسسني إنه الأمين العام للأمم المتحدة
في جملة كده مش فاكراها يعني
قالها عشان يخلينا نحس إن هو واحد مهم أوي
اقتباس:
المشاركة الأصلية كتبت بواسطة الاستاذ احمد يحيى
ايه يا دكتور
ليه طلبك الغريب ده
مش حتقدرى على البعد عن البوابه
لانها عامله زى المغناطيس
ارجعى فى قرارك
|
لأ مهو أنا مش مستخدمة حاجة دلوقتي بتنجذب للمغناطيس
الأول كنت مركبة في الساعة مغناطيس فكانت ايدي بتنجذب للماس و منها أدخل هنا
اقتباس:
المشاركة الأصلية كتبت بواسطة المجاهد فى سبيل الله
السلام عليكم
مش عارف اقول ايه
هيه مثلا بتقيش غلاوتها عندنا ولا ايه
لو على الموقف الى انت بتحكى عنه يا محمد يبقى صدقنى
انا الى ححذفلها عضويتها بنفسى
لان ده مش سبب تطلب علشانه حذف عضويتها
على فكره يا اختى
انا مش بحب ارد على المواضيع الى زى دى
بس صدقينى مفيش حاجه تستاهل انك تطلبى طلب زى ده
امال لو كنتى اتوقفتى ولا كنتى اتهمتى فى شئ انتى معملتهوش كنتى حتطلبى ايه
لا حول ولا قوة الا بالله
|
لو كان حصل اللي حضرتك قولت عليه في الآخر كنت هطلب حذف جميع مواضيعي و جميع مشاركاتي و من ثم حذف العضوية
.............
أنا باختصار شديد لسة متمسكة جداً بطلبي ده
متمسكة بيه لأقصى الحدود
ده لأسباب كتير
أولا كده باختصار
إن المنتدى ده بدأ يضيع وقتي جامد جداً
أنا أصلاً تقريباً ادمرت نفسياً الترم ده
ثانيا بقى و باختصار برضه
بقيت أحس إني رخمة على قلوبكم و الله
أو ثقيلة على قلوبكم زي ما بيقولوا
ثالثا
و برضه باختصار
أنا اتوجه لي اساءات كتير
من ناس كتير
لحد ما كرهت كل حاجة
أنا بتعب بجد من لما حد يقوللي ألفاظ جارحة بطريقة مباشرة أو غير مباشرة
لأني بحب نفسي جداً
مش معنى كده إني أنانية أو متكبرة
لأ
أكيد كل إنسان بيحب نفسه
و بيخاف عليها
أنا عمري ما حبيت حد يكلمني بطريقة يعني
مش ذوق
أو بطريقة مش حلوة
لا من أكبر مني و لا من أصغر
دي أسبابي الظاهرية
و أكيد في أسباب خفية
و دي بفضل أتحفظ عليها
لأن مستحيل أكتبها هنا
و بتمنى من كل قلبي تلبوا طلبي الوحيد
و الآخير
و هو حذف العضوية
و هاقولها تاني و تالت و عاشر
حذف العضوية
بجد لو خايفين عليا
لبوا طلبي ده
أنا عمري ما هنساكم كلكم
آية من الله
بطيبتها و احترامها و عقليتها الجميلة
ما شاء الله ربنا يحميها
ايمان
بحبها للجميع
و هي أول وحدة اتعرفت عليها هنا
دكتور دايموند
و بحبها برضه و من أوائل الناس اللي اتعرفت عليهم
منى أو ميس رخامة
اللي بحبها جداً
اسمها ده غيرها خالص
لأنها بنت طيبة أوي
و ربنا يوفقها يا رب
و ترافيل حبيبتي
اللي خلتني أبطل آكل دجاج
و آيات
محترمة و طيبة
و أماني
طيبة أوي أوي بس عفريتة زي ما بيقولوا عليها
و ولاء
اللي كنت برخم عليها كل يوم
و علمتها ترخم ازاي على محمود في المخالفات
و شيرين
مش اتعرفت عليها أوي
بس حبيتها
و محمود
لما يتنرفز من مخالفاتي
و اللورد بخفة الردود بتاعته
بجد خايفة أنسى اسم
و آسفة لأني مش هافتح ايميلي تاني
أبداً أبداً
ده أصلاً كان ايميل مخصوص للمنتدى
و مش هافتحه تاني
و هادمر بياناته كلها كمان
بشكركم كلكم
كل واحد رد هنا
و حسسني و لو باحساس صغير إن فيه حد مهتم بـ دكتور مرمورة
ايمان
آيات
آية
شريف
أوبشن
العندليب الحزين
اللورد
المجاهد في سبيل الله
شكراً ليكم كلكم بجد
..............
بجد أنا تعبانة جداً
و محتاجة إنكم تلبوا لي طلبي ده
و بجد
لو خايفين عليا بجد
لبوا طلبي الأخير
الأخير
و هو حذف العضوية
أرجوكم بجد
مش عايزة أشوف اسم دكتور مرمورة تاني
و ده قرار نهائي لا رجعة فيه
..............
و بتمنى لكم كل الخير يا رب
و يكون منتدى ناجح دايماً رغم أعدائه
و بتمنى تفتكروني بالخير
زي ما هافتكركم بالخير
طابت أوقاتكم بكل الخير
دمتم في رعاية الله و أمنه
و السلام عليكم و رحمة الله
مع محبتي