[wafa2y]

أنا باختصار شديد لسة متمسكة جداً بطلبي ده
متمسكة بيه لأقصى الحدود
ده لأسباب كتير
أولا كده باختصار
إن المنتدى ده بدأ يضيع وقتي جامد جداً
أنا أصلاً تقريباً ادمرت نفسياً الترم ده
ثانيا بقى و باختصار برضه
بقيت أحس إني رخمة على قلوبكم و الله
أو ثقيلة على قلوبكم زي ما بيقولوا
ثالثا
و برضه باختصار
أنا اتوجه لي اساءات كتير
من ناس كتير
لحد ما كرهت كل حاجة
أنا بتعب بجد من لما حد يقوللي ألفاظ جارحة بطريقة مباشرة أو غير مباشرة
لأني بحب نفسي جداً
مش معنى كده إني أنانية أو متكبرة
لأ
أكيد كل إنسان بيحب نفسه
و بيخاف عليها
أنا عمري ما حبيت حد يكلمني بطريقة يعني
مش ذوق
أو بطريقة مش حلوة
لا من أكبر مني و لا من أصغر

دي أسبابي الظاهرية
و أكيد في أسباب خفية
و دي بفضل أتحفظ عليها
لأن مستحيل أكتبها هنا
و بتمنى من كل قلبي تلبوا طلبي الوحيد
و الآخير
و هو حذف العضوية
و هاقولها تاني و تالت و عاشر
حذف العضوية
بجد لو خايفين عليا
لبوا طلبي ده
أنا عمري ما هنساكم كلكم

أعتقد إن مازلت انا الوحيد اللي مع حضرتك في الفكرة
بس الأسباب اللي إنت قولتيها دي فعلا مهمة
لأن أهم سبب فيها إن هو بيضيع وقتك
و إدمرتي بسببه الترم ده(ولسه كتير قبل الثانوي لما هتدمري أكتر )
المهم
لو فعلا إحنا بنحبها لازم يا جدعان نخاف علي مستقبلها
يعني لو صاحبك قالك يا فلان أنا مش هروح النادي تاني
عشان بيضيع وقتي
إنت لازم اللي تنصحه إن هو ميروحش و تشجعه
و بعدين حتة إن حضرتك
تقيلة أوي علي قلبنا
فوالله حضرتك أكتر واحده كانت متفائلة في المنتدي الآونة الأخيرة
هو انا أه متعملتش مع حضرتك
بس بجد الردود كلها تفائل
حاجة كمان
إنتي أسبابك دي ممكن متجيش حاجة لو حصلك الأتي:
واحدة أصغر مني
لو حد في سنها و شافني في الشارع يحط وشه في الأرض
تقولي إنت مخك فوت و إتهبلت
ولا واحد تحسبه أعز صديق ليك و يطلع عمال يتكلم عليك من وراك
ولا واحد بسبب المنتدي تتخانق معاه و هو أفضل شخصية ممكن تقابلها في حياتك
لو أعد في المنتدي فترة كبيرة و مش هقول تعبت في المنتدي
و عضوة عشان مسجله من قبلك تدخل فيك شمال و تقلك لو سمحت الجداد ميتكلموش
أنا حصلي هنا مواقف والله لما بفضفض مع حد
بيقولي إنت إيه اللي رميك علي كده
و ياريت يا محمد بجد تلبولها رغبتها
عشان لما يجي اليوم اللي و قريب طبعا
و أطلب الطلب ده
معملش موضوع زي ده
و ألاقي كل الناس الطيبة دول
و يحاولي إن هما يقنعوني أرجع
انا عارف إني برغي كتير
و طبعا الناس اللي مش طيقاني كلامي تقيل علي قلبهم
بس بجد بجد متحكموش علي حد إنتوا مشفتهوش
لا بالخير ولا بالشر
سللللللام أستودعكم الله