احم انا جيت تانى
على فكرة انا رديت على مها قبل كدة والكهربا قطعت والله كنت هعيط كتبت رد كبييييييييييييييييير
وقبل ما انزلة قطعت
حاسس ان الموضوع دة فية حاجة ربنا يحفظنا 
بسم الله
اقتباس:
المشاركة الأصلية كتبت بواسطة اسيل رزق
بص يا محمد أنا قريت ردك كله وفهمت وجهة نظرك ومؤيداها بس الفئة دى من الناس الزواج بالنسبة ليهم انهم يفضلوا جمب بعض مش أكتر دا أغلب تفكير المعاقين على حد معرفتى .. لان عقليتهم عقلية أطفال .. وعلى فكرة مش شرط لو جابوا أطفال يكونوا معاقين ذهنياً لكن لو أنجبوا أطفال معاقين ذهنياً فى الحالة دى هتكون مشكلة كبيرة وهتحصل مشكلة إجتماعية بإن هتتكون فئة جديدة كلها معاقين ذهنياً ودى السلبية اللى شايفاها فى الفتوى .. لكن دى مساعدة إنسانية قبل كل شىء وهما لهم الحق فى فعل أى شىء سليم يفعله الانسان الطبيعى
كلامك جميل يامها
بس فية كذا نقطة مش معاكى فيها
هعلق على كلامك نقطة نقطة
اولا بالنسبة لتفكير المعاقين ان فكرت الزواج بالنسبة ليهم انهم انهم يفضلو جمب بعض مش اكتر طيب ازاى هيفضلو جمب بعض اصلا دا من اول مشكلة من مشاكل الحياة هتلاقى كل واحد منهم بعد عن التانى لان هما مفيش بينهم استقرار اسرى اصلا غير كدة لو هنفرض ان اهلهم هيقفو معاهم يبقى احنا بنصلح الغلط بغلط اكبر منه وبنحمل الاهل فوق طاقتهم اة فعلا هما بيحبو ابنهم وهيستحملوة بس لما يبقى ابنهم معاة زوجتة ومعاقة زية معتقدش هيستحملو طول العمر او هيفضلو معاهم طول العمر غالبا يبقى صعب جدا انة يتحقق الجزء دة
يبقى اول نقطة انا مش معاكى فيها
تانى نقطة جزء الانجاب انا بحثت على فكرة فى الموضوع دة قبل كدة بغرض التطفل يعنى او اخد معلومة جديدة وكان فية موضوع زى دةقدامى وكان ليا مزاج اقول راى المهم اثبتت الدراسات ان فى اغلب الاحيان الاعاقة الذهنية بتتراكم عن طريق عامل الوراثة من الاب او الام طيب لو جينا نبص هنلاقى ان الاب والام الاتنين معاقين زهنيا يبقى غالبا الابناء هيبقو معاقين وهنفضل نلف فى دايرة مقفولة مش هنوصل لحل فيها وطبعا لكل قاعدة شواذ وكل شئ بامر الله ممكن يجيبو اولاد اصحاء جدا بس دى هتبقى شواذ يعنى انا بتكلم على الفئة الغالبية وفعلا دى سلبية من ضمن سلبيات الفتوىبس مش الوحيدة بس ممكن تكون الاصعب فى النتائج
تالت نقطة انك بتبصى للموضوع من ناحية واحدة الناحية الانسانية بس فعلا هيا مساعدة انسانية حلوة قوى بس هتبقى صعبة جدا اولا على اهل المعاق لان هما الى هيتحملو كل حاجة وعلى النتائج الى بعد كدة
يارب تكونى فاهمانى يا مها
معلش رغيت كتير استحملينى بقى
|
منتظر تعليقك على كلامى ياحاجة مها
فى رعاية الله
اقتباس:
المشاركة الأصلية كتبت بواسطة فيفا
طيب بسم الله نبدا كلامنا
مين قال لحضرتك ان المفهوم ده مش عندهم
؟؟
الدراسات اثبتت ان المعاقين ذهنيا عادين زينا
وعندهم مفهوم عن الزوراج
مش عارفه اوضح كلامى يعنى بس انتوا اكيد فاهمين
سورى لو فى جرئه شويه بس دى الحقيقه
انا فاهم قصدك بس لا غلط انا دلوقتى هدور ليكى على الكلام الى انا قريتة من مكان موثوق فية جدا
عكس كلامك ان المعاقين فيهم الى اعاقتة بسيطة جدا تكاد تكون معدومة دا الى فعلا عندة فكرة عن الزواج على فكرة الزواج مش الغريزة فقط ومش عارف اوضح بقى
تقدرى حضرتك تجيبى ليا اثبات عن كلامك دة ؟
مين برضه قال لحضرتك انه مش موجود انا هقول لحضرتك حاجه موقف انا عشته بجد مكنتش حابه اقوله بس هيوضح كلامك جداااااا
حضرتك بتقول انهم معندهمش مفهوم للمصطلح التانى اللى هو الارتباط بالمحبوب والمحبوبه فقط
لا الكلام ده مش مظبوط
انا فى الصيف اللى فات نزلت ملاكز للمعاقين ذهنيا عشان اتدرب واخد خبرة كان فى ولد عنده حوالى 20 سنه معاق ذهنيا اتعلق بيا لدرجه كبيرة اوى
مش هتتخيل كان بيقولى ايه
مرة كنت قاعده كده وجه قالى انا هدور على شغل قلت له ليه؟
قالى عشان اجيب فلوس واشترى شقه ونتجوز
ايه رايك بقى فى الكلام ده
؟؟؟
حضرتك فعلا كلامك صح وانا شفتة قدام عينى
بس بردة متمسك براى وهفهمك قصدى
المعاق دة لو شاف حاجة تشغلة هينساكى او هينسى حبيبتة
فى لحظة او اقل من لحظة
يعنى معندوش وعى نهائى بالمحبوب ومش متمسك بية مدى الحياة
مش زى الانسان العادى
يارب تكونى فاهمة قصدى فى النقطة دى
وليه موضوع السترة للبنت مش موجود؟
انت تعرف ان كتير من حالات ال****** بتبقى للبنات المعاقات ذهنيا
؟؟
باعتبارهم يعنى مش هيعرفوا يدافعوا عن نفسهم وانهم مش فاهمين حاجه
يبقى ليه مش موجود السبب ده
؟؟
مفهمتنيش يافيفا فى النقطة دى
مش قصدى اننا نجوزها عشان نستورها فى كلامى
لا قصدى البنات فكرهم اية عن الجواز كان النتيجة السترة
طيب هوة الراجل الى هيسترها وكمان دا معاق يعنى مش هيقدر على حاجة او بمعنى تانى مش هيبقى عندة وعى لحاجة يبقى الافضل لها فى بيت اهلها على الاقل هيبقو واعين ليها وواخدين بالهم منها
غير كدة بالنسبة للجزء ال****** هيا لما تتجوز هتمنع عن نفسها ال****** ؟؟
ولو متجوزتش يبقى بتعرض نفسها لل****** ؟؟
معتقدش ان دى لها علاقة بدى خالص ولا انتى رايك اية ؟
انا وضحت وجهة نظرى على كلامك لو ليك تعليق اتفضل طبعا
لا معلش يافيفا انا رخم قوى هتعبك معايا شوية
بس فية فرق كبير بين كل كلامنا الى فوق دة
وبين التعريف الى انا كتبتة فى الاخر
عاوزك تقولى ليا التعريف دة اية الى موجود فية فى الشخص المعاق زهنيا والحاجة الى مش موجودة في المعاق دى هل نقدر اننا نضحى بيها فى مفهوم الجواز ولا لا ؟
وجزاك مثله يا محمد
منور ومستنيه عودتك
|
ادينى جيت
الموضوع شكلة هيولع
يلا عالبركة
منتظر تعليقاتكم
فى رعاية الله