[سري جداا]

دلوقتى معاكم سري جداا ( مشاركة 132 )

المشاركة الأصلية كتبت بواسطة just dream

الاول سوري ياجماعة اني اتأخرت عن الموضوع ده كام يوم
بس مش عارفة ليه بصراحة

وده اللي انا اقصده بالظبط
الفضفضة
انا بجد مش عارفة اقولك ايه اكتر من اللي قولتهولك
ايمى .. انتى قولتى حاجة ؟

انك متجيش ع نفسك اوي
يعني خدي شخصية من الاتنين
يااما قوية من جوة ومن بره وميهمكيش حد ونفضي للدنيا كلها
المفروض انى نجحت ف انى ابقى كدة الى حد ما
بس لما بيزيد الضغط
بابقى بالشكل اللى شوفتيه ف المشاركة الاولى ليا
وده اللي انا عاملاه اليومين دول وبجد مريحه دماغي اوي
يااما العكس
لو انتي بجد من جوة مش قوية
ف العادى مش باحس نفسى ضعيفة
بس برضو مش زى اللى بابينه
وعمرى ما هاعرف ابين ضعفى لما اكون متضايقة مثلا او اى حاجة
يلا
كله بيعدى
يبقى متتغطيش ع نفسك لان زي ماقولتلك قبل كده مش وحش ان البنت تكون ضعيفه
مش انتي بردو اللي صاحبتها اتوفت ؟
لا مش انا

بصراحة ده كل اللي اقدر اساعدك بيه
ولو افتكرت حاجة تاني هقولهالك
ان شاء الله
و ع فكرة انا مش عرفتك
مش عارفة ده غباء مني ولا ايه
تؤ ده انتى اذكى اخواتك
احلى حاجة انى باغلس عليكى وانتى مش عارفانى

ع العموم بجد انا مش بحاول اخمن الشخصية
لو في اي حاجة عاوزة تقوليها تاني اتفضلي ياقمر من غير ماتستأذني
ربنا يخليكى يا ايمى
بجد انتى حد جميل اوى
كلنا عيون مفنجلة[/center]

اه فيه حاجة تانية عايزة اقولها
انا كويسة جداا ومفيش اى حاجة مضايقانى دلوقتى
لمجرد انى اتكلمت ومع الوقت نسيت اللى كان مضايقنى وضاغط على اعصابى اصلا
الحمد لله

المشاركة الأصلية كتبت بواسطة ell0rd

لانى بصراحة مش عارف ارد ولا بكلمة

اغلب المشكلة دى فيا مش كلها طبعا بس اغلبها

دا الى مخلينى مش عارف ارد عليها

وعلى فكرة هيا مش فيا بس

او فى صاحبة المشكلة بس

لا طبعا

دى فى اغلب الناس الى موجودة

عموما ربنا يسهلها ونلاقى حل لينا كلنا

يلا عالبركة

بس شكرا على اهتمامك

المشاركة الأصلية كتبت بواسطة برومثيوس

السلام عليكم ورحمة الله وبركاته

أهلا وسهلا ( سري جداً .. 132 )
أجمل شئ إنك حسيتي بالراحة لما اتكلمتي
الحمد لله
ومادام حسيتي بالراحة بعد ما اتكلمتي استبشري خير
مشكلتك مشكلة تراكُمات مش مُشكلة مُزمنة
ده حقيقى لانها شوية حاجات حصلت ورا بعض
وماكنتش لاقية حد قريب اتكلم معاه
بس خلاص عدت الحمد لله
يعني حلها سهل جداً إن شاء الله ولو مش حلها سهل جداً فهيبقي تأثيرها عليكي
ضعيف جداً جداً لحد تحسي فيه انها مش مشكلة أصلاً
اى مشكلة حلها مش مشكلة ماتبقاش مشكلة

بصي يا ( سري جداً .. 132 ) .. الحكاية معاكي إن انتي عملتي لنفسك صورة مثالية مُتكاملة
عقلانية بترفض المشاعر طالما غير موجه .. والصورة العقلية لما بتزيد بتعمل حاجز بين الإنسان وبين اللي بيتعامل معاهم يمكن أحيانا كانت بتحصلي فترة لغاية ما نجحت اني احاول أعمل توازن بين شخصيتي وعقلانيتي ومشاعري وأحاسيسي ..
انا حاسة نفسى دلوقتى بقيت احسن من قبل كدة كتييير ف التوازن ده
عشان كنت دايما محسسة نفسى حد مش زى اى حد
وماينفعش كدة وده الصح ولازم ابقى كدة
وكل الناس مش بتفهم وانا الوحيدة اللى بيرفكت
وده كان مخلينى انطوائية وماليش اصحاب
لانى كنت متخيلة نفسى احسن من زمايلى وعقلى اكبر
وحاجات كدة كانت بتيجى ف دماغى وقتها
بس مفيش حد مثالى
بصراحة مش فاهمة انا ليه كنت باتصرف كدة اصلا !!
جايز عشان كنت باخاف اعمل حاجة غلط
ف كنت باحسس نفسى انى منزهة عن الاخطاء ومش زى باقى البنى ادمين
لما اتغيرت شوية حسيت بغبائى قبل كدة
لكن الحمد لله دلوقتى احسن كتيير وحاسة انى راضية عن نفسى
وشيلت الهبل اللى كان ف دماغى زمان ده
فهمت ان فيه ناس احسن منى كتير والمفروض انى لو عايزة ابقى حد كويس
احاول ماعملش حاجة غلط مش افهم نفسى انى منزهة عن الغلط
الحمد لله
انتي محتاجه كدا بالظبط .. انتي قطعتي شوط كبير في انك تظهري نفسك بعقلانية ومميزة بين الغلط والصح وده أثر علي طبيعيتك إنك اهملتي جانب من جوانب نفسك وهو المشاعر والأحاسيس .. ربنا يبارك فيكي يارب الرد مختصر لان يعتبر مش فيه مشكلة وانا حاسك انك حد كويس وعاقل هيقدر يقدر الامور ويصلح حياته

أتمني الإفادة

شكرا يا احمد بجد
ربنا يكرمك
---
انا حاسة انى خرفت وقولت كلام كتير
ومش عارفة اذا كان واضح ليكم ولا هو واضح بالنسبة لى بس
لكن بجد شكرا على كل حاجة
واسفة انى جيت ف النص كدة بس كنت عايزة ارد عليكم
فى امان الله