اقتباس:
|
شكرا على اهتمامك ولكن أرجو أن تنتبه فأنا أدرس بنظام الساعات كما ذكرت. ألا يشكل ذلك عائقا لإلتحاقي بالجامعات الحكومية
|
ممممممم .. ماعتقدش .. النظام دا بيتم معادلته .. هاتقولي ازاي ؟؟
اقولك ياسيدي
انتا مثلا في السيمستر الاولاني درست مادة معينة ..
المادة دي التوتال بتاعة قول مثلا 48 ساعة بواقع 3 ساعات اسبوعيا
لو حسبتها هاتتلاقي ان انتا كدا درست المادة في مدة قدرها 16 اسبوع
قارن الـ 16 اسبوع اللي عندك .. بمعدل المدة في الترم الواحد في الجامعة الحكومية بمصر
هاتتلاقي ان 48 ساعة = 4 شهور .. هما بقي في مصر هنا ببيعادلوا الحكاية دي
بس ممكن تواجهك مشكلة بقي في حكاية مدي قبولهم لعدد الساعات
بمعني اصح هل الجامعة اللي انتا هاتلتحق بيها في مصر
معترفة بالجامعة اللي كنت بتدرس فيها في ابو ظبي او لأ .. هيا دي بقي المشكلة
اقتباس:
|
علما بأن مجموعي في الثانوية العامة وقتها كان يؤهلني للألتحاق بأي جامعة حكومية
|
قاعدة عامة عشان تبقي عارف النظام ماشي ازاي
انتا مثلا جيبت 95% في الثانوية العامة المصرية ومجموعك دا يؤهلك للالتحاق بكلية اعلام
جيت انتا قومت داخل تجارة .. وربنا ماوفقكش وسقط فيها سنتين ..
كدا المفروض انتا لا يجوز ليك انك تكمل فيها خلاص لإنك اتفصلت منها
هل هاتبقي في الشارع ؟! .. قالك لأ .. بترجع لنقطة الصفر تاني من الاول كأنك هاتخش كلية جديدة
بنفس مجموع الثانوية العامة بتاعك بنفس تنسيق الثانوية العامة بتاعة دفعتك
يارب تكون المعلومة وصلت
اقتباس:
|
عايز أعرف راسي من رجليه وشكرا؟
|
راسك فوق ورجليك تحت !!