بصي يا بنتي هقولك علي حاجه حطيها حلقه في ودانك طول عمره صدقيني علاقات النت دي غير حقيقيه صدقيني بصي هقولك علي حاجه بجد ونصيحه اخويه بصي اي ولد من دول من بتوع النت بيحاول يعرف البنت دي يوصلها بانهي طريقه هل البنت دي بتيجي من مثلا قومي صلي قومي معرفش ايه اسمعي كلام اهلك انا جنبك انا هسمعك معرفش ايه الكلمتين الحمضانين دول زي ما قالت الاخت مش فاكره مين اللي قال كده
المهم يعرف هو يوصلها ازاي وبعد ما يعرف يبتدي يشتغل عليها الدور ويفضل فتره طويله قوي معاها وبعد كده يقولها انا بحبك انابموت فيكي انا معرفش ايه ؟ عشان بس يثبتها ويكون ضمن انك ارتاحتي ليه وبتحبيه
وبعد كده يقولك قولي لاهلك اني في واحد عاوزك عارفه هو قالك كده ليه يا ذكيه لانه ضامن انك عمرك ما هتقولي لانه ضامن انك بعيده عن اهلك وضامن ان العلاقه دي غلط من الاول ومتقدريش تقولي لاهلك وبعد كده هتلاقيه يروح قالك طب ما تيجي نتقابل ومعرفش صدقيني هتلاقيه عرض عليكي الخطوه دي في مره من المرات خليكي بت ذكيه ومتسمحيش لحد انه يضحك عليكي اسمعي كلامي بتوع النت اللي يقولك انه بيحبك صدقيني كداب درجه اولي صدقيني لانه يستحيل اي ولد هيتجوز واحده كلمته ولو حتي كانت بتكلمه باحترام هو بيدخلها من الحته دي صدقيني سيبك منه ميستهلش ابدا انك تضيعي وقتك ومشاعرك صدقيني غيرك كتيييييييير قالوا نفس الكلمتين دول والله قالوا ده بيحبني وهو بالتاكيد صادق يا بنتي هو قدامه بنات بالهبل سواء في كليته سواء في عيلته سواء جيرانه يستحيل هيبص لعلاقه علي النت الا لو هو عاوز منها حاجه غير حلال سواء حتي بالكلام اسالي مجرب وخدت علقه سخنه عمرها ما تنساه
روحي اسالي اي بنت كانت فاكره زيك كده
صدقيني والله بصي هقولك علي حاجه يا بنوته
انتي لسه صغيره لسه في سن مراهقه يعني ممكن تفكري في اي حد دلوقتي متقوليش مافيش حد يدخل قلبك كان لازم ههيدخل قلبك في اي وقت من الاوقات بس علاقه بتاعه سن المراهقه دي فاشله لانه حب وهمي لا اساس له من الصحه الواحده في سن المراهقه بتبقي عاوزه واحد يحس بيها ويحبها ومعرفش ايه حاولي انتي متخليش علاقتك تتعدي حدود الاخوه غير كده في حاجه تانيه انتي بتكلمي ولاد وده اللي غلط ولا كان هو ولا اخوه بصي انتي تقدري تنسيه وهتبقي متضايقه ومتنرفذه وبتتخانقي مع الناس بس هتفضلي فتره صغيره وبعد كده هتنسي وهتلاقي نفسك بعد كده لما تكبرسي هتضحكي علي نفسك وتقولي ياااااااااه انا كنت مراهقه قوي وعبيطه صدقيني واسمعي كلامي بجد ربنا يوفقك
غير كده برضه هقولك علي حاجه انتي ليه مقولتيش لاهلك علي علاقتك بالولد ده ده اكبر دليل علي انك بتعملي حاجه غلط ده اكبر دليل علي ان العلاقه دي متنفعش
في رعايه الله