[اوركيديا]

المشاركة الأصلية كتبت بواسطة elandaleeb elhazeen

أنا عندى مشاكل كتير مش قادر على حلها بس اصعبها بتحصل معايا من سنتين تقريبا
أنا كنت أنا محمود اعز أصحابى ربنا يرحمه بقا كنا فى يوم متاجرين ملعب بالليل وبعدين فضلنا نلعب يمكن لقبل الفجر بشوية
واحنا راجعين كنا أخر اتنين مروحين وكنا ماشيين بنهزر ونلعب الكورة لبعض على الطريق المهم انا مش عايز أدخل فى التفاصيل دى او مش عايز افتكرها المهم جت عربية نقل كبيرة ( مبتمشيش على الطريق الا بالليل اصلا ) خبطت محمد ومات
أنا شفت كل حاجة بعنيا بجد كان منظر مروع وساعتها بدات أشوف كل حاجة صغير صغيرة اوى عن الحجم الطبيعى وكمان بعيدة بعيدة أوى أوى
والحالة دى بتحصل كتير خصوصا لما بكون مخنوق او بفكر فى حاجة او ببكى او قبل ما انام
لو بكلم فى واحد احس انه بعيد بعيد اوى او بقى شايفه صغير فى حين انى بشوف نفسى ضخم وببقى خايف من كل حاجة كل حاجة
ولما بجئ أنام أبص لأخر السرير احس انه فى مدغشقر
الموقف ده بقا بيتكرر معايا كتير
أنا عارف انا ممكن اكون مريض نفسى وفعلا جربت العلاج النفسى بس تعبت اكتر والمهدات كنت بخدها تقريبا كل يوم
انا مش عارف اعمل ايه
وده غير الاحلام والكوابيس اللى بحلم بيها كل ليلة واللى بقوم دايما مفزوع فى نهايتها
أرجوكم أرجوكم حد يقولى اعمل ايه أنا خلاص تعبت
واسف على الازعاج

اممممممم
مشكله حضرتك صعبه اوى بجد
عشان الموقف نفسه هز جواك حاجات كتير
احساس الامن و السكينه
احساس ان صاحبك مات قدامك و انت مش قدرت تعمله حاجه
احساس انك انت اللى ممكن تكون مكان صاحبك ده سيعتها او فى اى وقت دلوقتى

بدا احساس انك ضعيف اوى و بعيد عن الناس يدخل جواك و واضح ان حضرتك مش بقيت تعرف تتعامل مع الناس زى الاول
لازم حضرتك تروح لدوك نفسى عشان تقدر تتكلم معاه زى ما حضرتك عايز و يقدر يشوف ايه النتايج اللى حصلت بالظبط و يحاول يحلها معاك بالكلام عشان تقدر تقتنع
و على حكايه انك تعبت اكتر فجرب تانى
المعالجين النفسيين و الدكاتره مختلفين روح لحد تانى عشان حضرتك محتاج فعلا
عشان انا شايفه من كلام حضرتك
ان الخوف و الالم اللى جواك بداوا ينعكسوا كالم جسدى بردو
و دى مرحله خطيره
فلازم تلحق نفسك و كويس ان حضرتك مقتنع انك مريض نفسى و محتاج لعلاج

اما بقى كحل مؤقت
فحضرتك حاول اولا تقنع نفسك انك مش كان بإيدك حل و انت مش ليك ذنب فى اللى حصل
و ان الموت هو الحقيقه الوحيده فى الحياه
و الحزن عليه مش حيقدم و لا حيأخر
قول لنفسك كده كتير
و اعرف ان ممكن حضرتك تحصله فى اى لحظه فخليك مع ربنا
و فى نفس الوقت استمتع بحياتك دلوقتى
مش تضيعها من بين ايديك
مفيش حاجه فى الدنيا ممكن تخليك تضيع حياتك عشان احنا مش عندنا استيبن ليها لو ضاعت خلاص
قول لنفسك الحاجات دى كتير
و ناقشها
و اقنعها
حاول تساعدها بجد


انا مستنيه رد حضرتك على كلامى عشان عايزه اشوف ردك على شويه حاجات كده و اعرف اذا كنت ماشيه صح و لا لاء

فى رعايه الله