أنا بما أنى طالب فأنا لازم أقول رأيى فى الكلام ده لأنه يمسنى كطالب قبل أى حد أن فى جزء فى المقال ده رأى كبير غلط و جزء ممكن نقول أنه صح فى حاجة صغيرة بس مهمة عشان أكون صادق
أولا أن أغلب المساعدات أو الدروس أو الملازم اللى موجودة على النت أغلبها مجانية و المفروض أن احنا نحكم على أساس الاغلبية
ثانيا المقارنة بين أشتراك نت ب90 جنيه فى الشهر و متقسم على شخصين" و ده أغلبية الشبكات بتكون كده" لا يقارن بثمن حصص مادتين كل مادة ب على الأقل 50 أو 60 أو حتى 90 أو 100 جنيه فى الشهر
ثالثا زى ما قال طالب علم أن النت و غيره من الوسائل زى سكينه يا أما تقطع بيها سكينة أو تقطع بيها شرايين أيدك
اللى بقى لازم ناخد بالنا منه وده اللى خلانى أرد على الموضوع أن لو طفل فى أبتدائى أو فى إعدادى مش هيعرف يستخدم السكينه صح! "اللى هى النت يعنى" و هايبقى الغالب أنه مش هايستخدمها الإستخدام الصح
و الكلام ده معناه أنه دلوقتى لو طفل يعنى دايما متعود على أستخدام الجهاز اللى قدامه فى متعته و تسليته فما بالك لو أتفتحت قدام بوابة عملاقة أسمها نت هيعمل بيها أيه؟
كل اللى يخطر على باله و بال شيطانه لأنه مش مؤهل لأستخدامها أو التحكم فى رغباته
و ده اللى أنا عاوز أقوله و أنصح أن النت مش أى حد فى أى سن يقدر يستخدمه صح و أن مستخدمه لازم يكون متسلح بكام حاجة هما: متقى ربنا و فاهم دينه صح , و يكون عنده دماغ و أراده تميز بين الصح و الغلط و تقبل اللى هو صح و يوافق فطرته السليمة و يرفض اللى يخالفها , و يكون يعرف اللى وراء البوابة الكبيرة أوى من فائدة عظيمة لو يستغلها صح و من سقوط أعظم لو أستخدمه غلط
و عشان كده مش لازم أى سن و أى أرادة و بالذات أرادة تستخدم الإنترنت
|