واضح إن الكثير هنا مع التيار...ما احنا كده الحكومة تقول ولعوا في نفسكم نولع...يعني...حزب الله شيعة والشيعة بيسبوا الصحابة واحنا ضد أفكارهم ومش معاهم ...ماش على عيني وعلى راسي...بس لماذا تذكرنا هذا الكلام الآن مع إن سامي شهاب ومن معه مقبوض عليهم منذ مايزيد عن 3 أشهر...والذكاء بتاع المدعي العام إن ال49 شخص المقبوض عليهم بينهم حمالين وشيالين وأصحاب حرف مش ناس في موضع تيقدروا تشيعونا بيه يعني...لا والله بس بجد هما لو جيين يشيعونا يبقى حزب الله دا غيي جدا راح على الحدود على طول ما جاش في الأماكن الرئيسية القاهرة والأسكندرية والأماكن الي يقدر يأثر فيها يعني ...يعني راح يجمع شوية قبائل في رفح الحكومة مطلعة عين ابوهم اصلا عشان يشيعونا...يبقى كدا الحمدلله إطمنا أن حزب غبي هيشيع كام قبيلة من قبائل العرب هناك...ويخلي الحكومة تزودها عليهم...
ومش عارفة بنيجي على الحاجات الي الحكومة تطلعهالنا ونقعد نهلل وننفخ ونقول آمين ومبنفكرش...إشمعنا اتكتمنا لما اليهود أعلنوا الحرب على غزة من هنا...لأ ماكفناش الكتمة السودة ...قعدنا نقول حماس السبب وحماس زودتها مع ان اليهود واعلامهم من غير اي حياء بيقولو أن هما مجهزين لضرب غزة من غير حماس...
وبرده حالة صمت على البلد كلها رغم أن المسجد الأقصى أمام عينكم اليهود عمالين يدمروا فيه.... مين فيكم عمل حاجة للمسجد الأقصى...ولا مين فيكم عمل حاجة لأطفال غزة لما أنتم عمالين تقولوا حسن نصرالله خاين وهيشيعنا وإيران ومش إيران والكلام الي ثلاثة أرباع المتكلمين هنا مش فاهمينه أصلا...إذا كان المدعي العام المصري أول ماقبض على سامي شهاب كانت التهمة تهريب مساعدات لغزة...
قبل ماتقولوا حسن نصرالله بصوا لأنفسكم عملتوا ايه عشان تتكلموا...وعلى فكرة أنا مش شيعة ومبحبش الشيعة بالعكس أنا سنة ....بس ماليش أنطق بكلمة واحدة على مسلم قال لاإله إلا الله محمد رسول الله... واسألوا الشيخ الي سلم على أولمرت وقال ايه مش عارف ومسمعناش برده صوت حد هنا بينطق....
بجد نصرالله بطل رغم عن اي حد هنا...ومش فارقة تأكدوا على كلامي أوترفضوه لأني متأكدة أن كل واحد هنا عارف كده كويس ...وجزاكم الله خيرا
|