صلى على الحبيب المصطفى الأول
قل لن يصيبنا إلا ما كتب الله لنا
ما تتعبش دماغك فى التفكير و زى ما بيقولوا لعله خير
يمكن عارف من طريقتك فى المنتدى هنا أنك مش بتعرف تحفظ كويس وبتفهم حلو
و يمكن أنت مخنوق شويتين و احتمال تكون عصبى
بس ايه الكلام اللى أنت بقوله ده حرام عليك تضيع من عمرك سنة
و بعدين ايه انت ضايع ده مش فاهم هو أنت لوحدك اللى مطبق عليك الجدول؟ و لاّ أنت الوحيد اللى عندك الظروف ده ؟
بص هقولك كلام يمكن مقلتهوش قبل كده فى المنتدى و هحاول اختصر
لما كنت فى امتحانات أولى ثانوى كنت عيان جدًا جدًا و كانت الامتحانات ورا بعضها إلا امتحان واحد قدامه تلات أيام
كانت التاريخ هتقولى و فى الترم التانى ما كنش فيه فواصل يعنى تقريبًا على ما أذكر كان ده الامتحان لوحيد اللى فيه فاصل
تعرف لولا الفاصل ده يا أما كنت دحلت الامتحان طرزان أو دخلت دور تانى كنت ما بنامش مش من المذاكرة طبعًا لأ من المرض
بعيد عنك و عن القارئين و لا كنت بذاكر و لا باكل و لا بشرب و يدوبك لحقت فى آخر يوم أفتح كتاب و الحمد لله ذاكرت المنهج كله
ما عدا فصل فى اليوم ده تصور معظم الأسئلة جات من الفصل ده و تصور أنى حلتها صح و السؤال الوحيد اللى اتوقعته صح
غلطت فيه بطريقة لغاية دلوقت بضحك عليها كل ما افتكر
مش مكمل الحكاية عشان متزهقوش المهم فهمت قصدى ايه؟
اللى مذاكر أو اللى مش مذاكر ده حجات ثانوية و الله الكلام ده حقيقى
و يد الله تعمل فى الخفاء و إن شاء الله ربنا هيكرمك و تجيب النهائية كمان و عمومًا أنت زعلان من يوم ليه؟
ده حرب أكتوبر المجيدة كانت فى أقل من يوم
حاول متتعبش عقلك كتير أعمل اللى تقدر عليه و الباقى كله على الله
و لعلمك على حد علمى التصحيح فى علم النفس بيبقى كوسة
على رأى اللى قال : يا بلدنا فيك حاجة محيرانى نزرع القمح فى سنين تطلع الكوسة فى ثوانى
و ربنا يوفقك و ركز و لعلمك عن نفسى فى العربى مستوى مش حلو و لا كان السنة اللى فاتت
و لكن خليها بس على الله و سلام بقى علشان زمانك اتخنقت منى
__________________
من السهل أن يكون لك مكان في دفتر عناوين أصدقائك
ولكن من الصعب أن تجد لك مكاناً في قلوبهم
|