السلام عليكم يا شباب الخير
أنتو مختلفين على أيه!!!!!!!!!!!!!!!!!!!!
أولا أود أن أسأل عن مصدر الجملة!! ممكن صاحب الموضوع يخبرنا هو جابها منين؟
ثانيا لو فكرنا فى الجملة شوية وحسينا بمعناها وبالتحديد the phrase "this morning ممكن نكتشف أن ممكن تعطى أكتر من دلالة زمنية
يعنى ممكن نوكن وصلنا الآن إلى المساء أو آخر اليوم وبنتكلم عن الحدث اللى حصل وأنتهى فى الصباح!!! بالتأكيد طبعا عرفتوا الحل !!!!!!!!!!!!!!!!!!!! طبعا drank برافو عليكم
طيب نفترض أننا مازلنا فى الصباح وأن هذا الأخ العزيز قاعد فى البلكونة مثلا بيتناول فنجان القهوة بتاعة ومامته موجودة فى المطبخ وبتقول لبنتها مثلا أن أخوكى متعود يشرب شاى بس هو صحى أنهاردة ومزاجة فى القهوة وموجود بيشربها فى البلكون الآن وأحنا بتكلم هنا. مش برضوه الإفتراض دة صحيح!!!!!!!!!!!!!!!
وبالتأكيد طبعا عرفتوا الحل فى هذة الحالة هيبقى أيه!!!!!!!!!! طبعا زى ما بتقولوا كدة is drinking
طيب عندى حل تالت تتخيلوا!!!!!!!!!! نفترض أن الولد أنتهى من الفنجان ونزل توا على عمله ومامته واقفة فى المطبخ على الحوض بتغسل الفنجان وبتبلغ الخبر لأخت الولد برضوه. فى الحالة دى هيبقى الفعل أنتهى توا أو له أثر فى المضارع ويبقى فى الحالة دى this morning بتشير إلى فترة زمنية مازالت مستمرة معنا أو فترة حديثة جدا. أنا متأكد أنكم وصلتوا للحل برضوه, مش كدة ولا أيه!!!!!!!!!!!!!!! صح تمام زى ما بتقولوا كدة well done !!
الحل فعلا المرة دى هو has drunk
يا جماعة الخير أنا نفسى تعطوا إحساس شوية للمعنى. لأن المعنى مهم جدا فى تحديد القاعدة أو الزمن اللى هنطبقه. العملية مش مسأله دلائل (أقصد كلمات داله على الزمن) وخلاص على كدة . اللى بيتحكم أكتر فى الجملة والقاعدة اللى المفروض نطبقها هو المعنى أكتر من الكلمات الدالة
لو روحتوا تاخدوا كورس جرامر فى مكان مشهور زى الجامعة الأمريكية أو بريتلز أول حاجة هيعملوها معاكم أنهم هيخرجوكوا من جو الإلزام اللى أنتوا عايشين فيه ده يعنى هيدربوكم على إستخدام أزمنة مختلفة مع كلمات داله كنا معتقدين أنها بتستخدم مع أزمنه معينه فقط. يعنى لازم تستخدموا اللغة بحرية. ويبقى التركيز على المعنى أكتر.يا جماعة دى لغة. واللغة معنى أكتر ما هى جرامر. دى مش معادلات رياضية أو كيمياء أو فيزياء دى لغة. أنا عارف أنكم كلكم تقريبا فضلتوا تدوروا فى الجملة على دلائل أو كلمات داله. وقليل اللى حاولوا يركزوا على المعنى. وهذا أيضا سبب الإختلاف فى الإجابات سواء بين الطلبة بعضهم البعض أو بين المدرسين بعضهم البعض.
وطبعا الإختلاف فى الرأى لايفسد للود قضية. أرجو سعة صدوركم لتتقبلوا كلامى هذا
وإلى لقاء قريب
والسلام عليكم
|