[Gabre]

السلام عليكم

انا كنت عايز اعلق على كلام الاخ HESHAM RESALA
طالما المسألة مفيهاش اى معلومة عن المستوى او المقاومة يبقى لزما تعرف ان المستوى افقى و المقاومة منعدمة
والمسألة الثالثة الى كنت بتقول

اثرت قوه على ثلاثه اجسام مختلفه فاكتسب اولها عجله قدرها جـ والثاني عجله 2 جـ والثالث عجله 3 جـ اوجد النسبه بين كتل هذه الاجسام واذا ربطت الاجسام الثلاثه معا وكونت جسما واحدا برهن انها تتحرك بعجله قدها 6جـ/11 تحت تأثير القوه السابقه
الناتج النهائي ( 6:3:2 )
فالاجابة سهلة ................

اولا مجبش سيرة المقاومة تبقى منعدمة
القانون : ق=كXجـ
احنا مش هنستخدمة احنا بس هنلاقى ان القوة ثابتة
اذا ....... ك تتناسب عكسيا مع ال جـ
نسبة قيم العجلة هى 3:2:1 زى ما فى المسألة
هتبقى نسب الكتلة هى المقلوب يعنى

1/1 : 1/2 :1/3
و بالضرب فى 6
يبقى النسب 6 : 3 : 2

طبعا لما نضرب فى ثابت هيبقى الكتل 6ك , 3ك , 2ك
الاجسام كلها هتبقى جسم واحد يبقى الكتلة 6ك+3ك+2ك=11ك
القوة لسة زى ماهى (ثابتة)
طبعا ممكن نعتبرها كتلة متناسبة زى التانيين و يبقى
(11 : 6 : 3 : 2 )
و نعمل زى ما عملنا بس فى طريقة تانية كان ممكن نستخدمها فى الاول و هى زى حلول الفيزياء
هنعمل الآتى : هنعتبر الكتلة 6ك=ك1 (مثلا)
و يبقى جـ1=1جـ و نعتبر الكتلة الجديدة 11ك=ك2
و يبقى جـ2=؟؟ (الى احنا عايزين نثبت انها 6جـ/11
(متنسوش القانون:ق=كXجـ )...........
و يبقى ق1/ق2 = ك1/ك2 X جـ1/جـ2
القوة ثابتة يبقى 1= 6ك/11ك X 1جـ / جـ2
بعد حل المعادلة جـ2=6جـ/11

و كده الحمد الله اتحلت
انا اسف انى رغيت كتير