مممممممممم شوفي يا ندى
عارفين ان اللبس اللي من غير لبس هو السبب وعارفين ان علينا واجب النصح
لكن اعتقد انها صعبة ان ولد يقول هو بيعاكس ليه
وبعدين انتي لو سألتي ولد انت بتعاكس البنت دي ليه
والله ان السبب راجع لسوء اخلاقه هو مش للبنت اللي لبسها وحش
انما عشان يحفظ ماء وجهه هايقولك عشان هيا اللي لابسة معرفش ايه
هي اللي عاوزاني ابصلها
طيب وهل ده مبرر يخليك تبصلها
امال ربنا امرنا بغض البصر ليه
عشان لما نشوف واحده مش باين منها حاجة نغض البصر ولما نشوف واحده مش متغطي منها حاجة ما نغضش البصر ونعاكسها
اعتقد العقل لا يقبل ده ابدا
وكلامي مش مبرر برده للبنات انها تطلع شبه عارية
ابدا
عليها اثم وعليا اثم ان لم انصحها
لكن بردو مش ده السبب اللي يخلي واحد يعاكس واحده
وبالنسبة لنقطة الحرية دي
فنحن معشر النساء حررنا الاسلام وكرمنا
ففعلا انا حرة
ولكن المشكلة تكمن في فهم الشخص لمصطلح حرية
جزيتي خيرا يا ندى
واسفة ع الرغي الكتير