السلام عليكم
ارجو ان الكل يقرا ردي خاصة محمد ناصر واحمد رضا ومستر مصطفي وكل البقية ويعلقوا عليه
انا كنت قاعد علي النت فجت في بالي فكرة
اننا نعمل انتخابات للمشرفين ومش للمشرفين بس لا والاداريين لا والاشد ان يتم انتخاب مدير الموقع
طبعا بجانب مؤسس الموقع يعني استاذ محمود زي ماهوه
ولكن ننتخب واحد يبقي مدير معاه الا وهو المركز الذي يشغله استاذنا وابونا الاستاذ عصام وطبعا معروفة كلنا عنختار استاذ عصام ولكن عنعمل كده علشان يكون فيه ديمقراطية وطبعا دي فكرة لو اتنفذت في الحالة دي مينفعش تعزل اي اداري بدون سبب الا اذا اعتذر عن اداء مهامه للانشغال
واللي عنختارهم استحالة حد يقول عليهم وحشين
ليه؟؟؟؟؟؟؟
لان احنا اللي مختارينهم وبجد لو نفذناها عنبقي اول موقع يختار مديريه وادارييه واحنا مش اقل منها لاننا بسم الله ماشاء الله ربع مليون عضو
اما عن احمد رضا ومحمد ناصر
انا والله لما بدخل المنتدي بشوف مين من الاداريين موجود
ومرة واحدة لقيت احمد مش موجود ولقيت اسم غريب اللي هو بروثيموس
قلت اكيد ده احمد لانه غير قبل كده وخلاه كيوبيد
وفعلا طلع هو
فانا بقول لاحمد لو اتوافق علي الفكرة دي يبقي انت راجع نظرا لشعبيتك الطاغية
وانا مستعد بعد يوم الثلاثاء لما اخلص امتحانات اولي ثانوي احط لكم خطة كويسة باذن الله
__________________
الثورة مستمرة
|