لو تقصدى فى مسائل الفصل الأول فى الحديثة أينستين و أصحابه
فبنتعامل مع الاليكتورنات الخارجية فقط و للذرات اللى على السطح كمان على حد علمى
أما بالنسبة للأطياف فى التانى فأساسًا ده كله على ذرة الهيدوجين بس و ده لأن بور مفسرش غير طيف ذرة الهيدروجين
لأنها الأبسط (لو فاكرة كيميا للسنة اللى فاتت)
بالنسبة للسؤال الثانى مش فاهم قصده يا ريت توضيح
ولكن كتخمين هقولك معلومتين يمكن يفيدوا
أولًا هى ايه طاقة المستوى ؟ هى الطاقة اللازمة للإليكترون كى يتحرر من الذرة
طيب لو إليكترون هينتقل لمستوى أعلى لازم ياخد طاقة تساوى الفرق
ما هو معروف إن الإليكترون يسيب الذرة لو راح للمستوى مالا نهاية و ده طاقته صفر
يبقى عشان إليكترون يروح للمالانهاية محتاج فرق الطاقة اللى هو طاقة المستوى
طيب لو إليكترون حب ينتقل للمستوى اللى فوقيه هياخد فرق الطاقة (اللى رايحله ناقص اللى جاى منه)
و طاقة أى مستوى تساوى (-13.6\(n^2)) حط إن أى مستوى يعطينا طاقته
حتى لو حطيت المستوى مالانهاية يدينا طاقته بصفر
نصيحة للفيزياء الحديثة فيها حجات معقدة جدًا
فعشان كده زى اللى بيقولولنا "متركزش عشان ما تهيسش"
بنهزر
أى استفسار الكل هيجاوب عليه
و ربنا يوفق الجميع لما يحب و يرضى
__________________
من السهل أن يكون لك مكان في دفتر عناوين أصدقائك
ولكن من الصعب أن تجد لك مكاناً في قلوبهم
|