[محمد.فوكس]

سلام عليكم..
انا مش معترض بس مش اي حاجة نقول عليها دي من اسرائيل..
لازم يبقى في وقائع و حاجة نقدر نستنتج منها الكلام ده..بس مش بعيد..
انا بالنسبالي..اشتكرت على الفيس بوك من قترة قريبة حوالي شهر و نص مع اني بستخدم الانترنت بشراهة من حوالي تلات سنين و كنت اعرف الفيس و بوك و بسمع عنه و كنت مش عايز اشترك فيه لاني كنت بشارك في منتديات كتير و كمان لاني مش عايز احط بيانات شخصية عني.
اما لما اشتركت .. حطيت اسم نيك نيم زي اللي اللي كاتبه هنا في المنتدى..و طبعا محطتش صورة شخصية لكن حطيت صورة رمزية ..و بصراحة المعلومات اللي حطتها عني مش اكتر من انا بدرس ايه و تاريخ ميلادي و محافظتي.
لكن بقى لا هوايات و لا اسمي الثنائي حتى ولا حاجة عن قرايبي ولا اي حاجة تانية و حتى مشاركاتي و هي قليلة مش بدخل فيها اي معلومات خاصة.. و نصحت صحابي كتير انهم ميحطوش صورهم ولا معلومات مفصلة .. بس هم مش مقتنعين و بيقولو عادي عشان لما حد من صحابي يعمل سيرش عليا يعرفني..بس مش هسيبهم لغاية ما يسمعوا الكلام.
و بعدين مش عايزين نكبر اوي من الاستخبارات الاسرائيلية .. هي مش جهاز خارق مهو اتلسع على قفاه في حرب 73.
و بعدين في ناس بيستخدمواالفيس بوك بطريقة كويسة و مفيدة.
سلام..