اممم مش عارفة بس انا مختلفة معاكم شوية
يعنى طبيعى اننا نحس بالحزن
ده طفل 12 سنة وتوفى لانه مريض
ابن مين وحفيد مين .. مش فارقة !!
يعنى لو حد حس بزعل ف ده عشان اللى حصل نفسه
بالنسبة للتوبيك بتاع الخبر ده
او التوبيكات .. لانهم كتير
ف ماعتقدش ان اللى بيردوا دول بينافقوا حد
لان اكيد الريس مش هايفتح المنتدى ويشوف مين قال ايه يعنى !!
ده مجرد احساس جوانا لما عرفنا الخبر
بجد فيه ناس لما شافت صورته عينيها دمعت
انا اتصدمت اول ما اخويا قالى اصلا
مش عشان هو محمد علاء مبارك
عشان هو محمد وبس ..
وعشان ليه اب وام الله اعلم بحالهم دلوقتى
مش عشان هما مين .. بس عشان هما فقدوا ابنهم الكبير
اه عاادى كلنا هانموت .. ويوميا فيه ناس كتير بتموت واطفال زيه واصغر
ولما بنسمع عنهم برضو بنزعل ونتأثر شوية
بعدين بننسى
زى ما هاننسى اللى حصل ده او فيه مننا اللى نساه فعلا
والموضوع ماخدش معاه اكتر من الـ5 دقايق اللى قرا فيهم الخبر او شاف نشرة الاخبار
فاكرين اسلام ؟! اكيد لا
اهو كان طفل و11 سنة وتوفى بسبب المدرس اللى ضربه
برضو زعلنا عليه شوية ونسينا ..
العادى يعنى
---
لاء ياحاجة
احنا مش زعلنا ع اسلام نفسه
احنا كان كل الشغل الشاغل للشعب المصري ازاي مدرس يضرب طفل يموته
و في ناس كانت متعاطفه مع المدرس
وناس انتدقت مامت الطفل لما قالت ان السبع سنين مش كفايه
واهو طفل 
بالنسبة بقى لمحمد علاء
اشمعنى ده بالذات اللي نزعل عليه ونتأثر كده
مش زي اسلام وكل الناس اللي بتموت
ولا دي فيها انتماء ووطنية للي يزعل عليه
ده انا بصيت ف الجرايد اتشليت وربي
يقولك وداعا يامحمد
ومحمد مثال اطفال مصر
وفاروق جويده امبارح كتب مكان ويبقى الشعر
تعزية لمحمد
هوووووف
بالنسبة بقى للقنوات الفضائية
افتكر ان القنوات اللى شوفتها امبارح عاملة حداد
كانت ميلودى والحياة وبانوراما دراما وموجة كوميدى ودريم واو تى فى
بصى بقى للجزء الحلو ف الموضوع ده ..
الناس اترحمت يوم من التفاهات اللى بتشوفها يوميا
بصى بلاش كلام عالناس
كل واحد ونيته
