مفيش داعي للقلق الحكاية سهلة وبسيطة ان شاء الله
اولا التعريفات:
اللون البديعي او المحسن البديعي:
طباق و هو كلمة عكس كلمة زي كبير/صغير
مقابلة كلمتين او اكتر ضدد بعض يعني جملة عكس جملة زي موت الشر حياة الخير تلاقي الكلمتين عكس بعض
سجع وهو كلمتين بيكون عندهم نفس الحرف او الحرفين الاخرنين زي (الصوم حرمان مشروع ، وتأديب بالجوع ، وخشوع لله وخضوع)
اللون البياني-صورة بلاغية-صورة خيالية:
التشبيه وهو بنشبه حاجة بحاجة ولازم يوجد مشبه و مشبه به لو الاتنين موجودين يبقا تشبيه
ودي تريقة المدرس بتاعي قالي عليها لما تعوز تستخرج استعارة مكنية يبقا اعمل ديرتين حولين المشبه و المشبه به ولو لقيت المشبه و صفة من صفاته يبقا استعارة مكنية
و استعارة تصريحية لو لقينا المشبه به بس زي اعد الله للشعراء مني صواعق : استعارة تصريحية.شبه قصائده بالصواعق الصواعق موجودة و القصائد مش موجودة يبقا تصريحية
والكناية وهي معناها اننا نفهم حاجة هو بيدل علها لكن مش كاتبها زي يخضعون لها الرقابا كناية عن الذل اسال نفسي هما هيخضعوا رقبهم ليه اكيد بيشعروا بالزل
اما المجاز المرسل كلمة بتيجي بدل كلمة تانية لكن في علاقة مبنهم زي المحلية و الكلية و الجزئية
زي سقيت قبورهم السحابا مجاز مرسل عن المطر علاقته السببية لان السحاب هو السبب في المطر
يارب اكون افدت ولو بقليل واعتذر لو اسلوبي في الكلام عامي
|